Baspasóz májilisine Shymkent qalasy ál-Farabı aýdanynyń ákimi Ǵabıt Máýlenqulov jáne Taýarlar men kórsetiletin qyzmetterdiń sapasy men qaýipsizdigin baqylaý basqarmasynyń ál-Farabı aýdany boıynsha basshysy Talǵat Sermanııazov qatysty.
Brıfıngte eń alǵash sóz alǵan Ǵabıt Patshahanuly ál-Farabı aýdany boıynsha karantınge 128 úı jabylyp, búginde onyń 76-sy ashylyp, qalǵan 52-si jabyq turǵanyn alǵa tartty. Odan bólek, karantınge jabylǵan aımaqtarǵa turaqty túrde zalalsyzdandyrý jumystary júrgizilip jatqanyn jetkizdi.
"Sanıtarııalyq-epıdemııaǵa qarsy jáne halyqtyń qaýipsizdigin qamtamasyz etý maqsatynda ál-Farabı aýdany prokýratýrasy, ál-Farabı aýdany ákimi apparaty, ál-Farabı aýdanynyń jergilikti polısııa qyzmetkerleri men ál-Farabı aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasy qyzmetkerleri birlese 4 jumysshy top qurylyp, Shymkent qalasy Bas sanıtarynyń №20 Qaýlysynda kórsetilgen talaptardy oryndaý boıynsha aýdan aýmaǵyndaǵy barlyq kásipkerlerge túsindirme jumystary júrgizildi. Bizde 4 naryqtyq bazar bar. Onyń bireýi ("Qazybek" bazary) táýlik boıy jumys isteıdi. Al qalǵandary 06:00-19:00 aralyǵynda. Sondaı-aq, 61 janarmaı beketi, 227 kafe, 156 ashana, 44 sýpermarket, 575 azyq-túlik dúkenderi men 204 dárihana nysandary qyzmet atqarýda. Olar kúnine 2 ret dezınfeksııalanýda", – dedi Ǵ.Máýlenqulov.
Aýdan ákiminiń sózine súıensek, atalǵan aýmaqta 672 kópqabatty turǵyn úı, 2244 kireberis alańdary jáne 400 oıyn alańdary bar. Olardy dezınfeksııalaý jumystary 14 servıstik kyzmet kórsetýshi mekemeler tarapynan atqarylýda. Bul zalasyzdandyrý jumystaryn bekitilgen kestege sáıkes arnaıy mamandar júrgizedi. Al qoldanylyp jatqan eritindi adamdar men janýarlar úshin qaýipsiz.
Brıfıngte belgili bolǵandaı, Shymkent qalasy Bas sanıtary A.Týlebaevtyń №20 Qaýlysyna sáıkes 4 iri saýda ortalyqtary ("Shymkent Plaza" SÚ, SÝM SÚ, "Mega Planet" SÚ, "Bereke" SÚ) ýaqyt shekteý engizý arqyly óz jumystaryn qaıta jandandyrǵan. Odan bólek, 16 saýda ortalyqtary men 575 shaǵyn kásipkerlik nysandar jumys istep tur.
Taǵy aıta keterligi, búginde jylý túsirgish (teplovızor) quraldarymen 12 kásipkerlik nysan jabdyqtalǵan. Al aýdan ákimi apparatynyń mamandarymen sanıtarlyq-epıdemııaǵa qarsy is-sharalar atqarý maqsatynda kásipkerlik nysandarǵa jylý túsirgish quraldaryn jabdyqtaý qajettigi boıynsha túsindirme jumystary júrgizilgen.
Osy rette ál-Farabı aýdany boıynsha Taýarlar men kórsetiletin qyzmetterdiń sapasy men qaýipsizdigin baqylaý basqarmasynyń basshysy Talǵat Quttybaıuly 11 mamyrǵa deıin 25 kásipkerlik nysandarǵa sanıtarlyq rejımdi buzǵany úshin hattama toltyrylǵanyn aıtyp, odan keıin tek túsindirý jáne eskertý jumystary júrgizilgenin jetkizdi.
"Búginge deıin sanıtarlyq normalardy buzyp jatqan kásipkerlik nysandarǵa eskertý aıtýmen shekteldik. Endigi kezekte hattama toltyryp, jaza qoldanamyz. Qajet bolsa, jabýǵa kóshemiz", – dedi T.Sermanııazov.
