Mınıstrlikter basshylary sý qatynastary salasyndaǵy yntymaqtastyq máseleleri boıynsha Jol kartasynyń jobasyn kelisti. Bul qujat transshekaralyq ózenderdiń sý sharýashylyǵy máseleleri boıynsha ekijaqty yntymaqtastyqtyń negizgi máselelerin bildiredi. Taraptar Jol kartasynyń is-sharalaryn iske asyrý úshin qajetti kúsh-jiger jumsaıtynyn atap ótti.
Kezdesý barysynda, sondaı-aq halyqaralyq jáne qazaqstandyq sarapshylardy tarta otyryp, Sardoba sý qoımasyna tehnıkalyq aýdıt júrgizý máselesi talqylandy.
Basqa da máselelermen qatar, Qazaqstan Respýblıkasynyń Úkimeti men О́zbekstan Respýblıkasynyń Úkimeti arasyndaǵy Transshekaralyq sý obektilerin birlesip basqarý, paıdalaný jáne qorǵaý týraly kelisim jobasynyń ár tarmaǵy jan-jaqty talqylandy.
