Mysaly, polısııa qyzmetkerleri Túrkistan-Kentaý tas joly boıynda “Aýdı” markaly avtokóligin toqtatyp teksergen kezde polıetılen paketke oralǵan hosh ıisti, jasyl tústi esirtkige uqsas zat tabylǵan. Kúdikti Kentaý qalasynyń turǵyny bolyp shyqty. Saraptama taǵaıyndalyp, zertteý qorytyndysyna sáıkes tárkilenip alynǵan ósimdiktiń salmaǵy bir keliden astam “marıhýana” ekeni anyqtaldy. Sotqa deıingi tergep-tekserýdiń biryńǵaı tizilimine tirkelgen qylmystyq is aıasynda, kúdiktiniń úıine tintý jumystary júrgizilgen. Turǵynnyń saraıynda turǵan kir jýǵysh mashınasynyń ishinen polıetılen paketke oralǵan jasyl tústi «marıhýanaǵa» uqsas salmaǵy bir keliden astam ósimdik alyndy. Saraptamaǵa sáıkes ol da “marıhýana” ekendigi belgili boldy.
Atalǵan jaıt QR QK-niń 296-baby (esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý) boıynsha tirkelgen. Tártip saqshylary eki keliden astam marıhýana tárkilegen kúdikti qamaýǵa alyndy. Qazirgi tańda sotqa deıingi tergeý amaldary júrgizilýde.
Túrkistan oblysy
