JAŃA ÝNIVERSITET TALAPKERLERDI ShAQYRADY

El bolashaǵy úshin búginde iske asyp jatqan bastamalardyń sany óte kóp. Solardyń ishindegi eń múd­delisi ári qýattysyna toqtalsaq, bilim-ǵy­lymǵa degen álemniń qoıǵan talaby da joǵary, halyq­tyń yntasy da bıik. Sony eskergen Elbasy elordada eli­miz­diń ulttyq brendine aınalýǵa tıis oqý orda­lary­na úlken senimmen qa­raı­­dy desek, jýyrda osy qatarǵa Asta­na­nyń jańa ýnı­versıteti qosyl­maq. El damýynyń ındýstrııa-ınno­vasııalyq deńgeıine zor úles qosatyn mundaı ýnıver­sı­tet búginde óziniń mıs­sııasyn naqty júzege asyrýǵa kirisip ketti. Astana qalasynda qurylǵan osy­naý halyqaralyq ýnıversıtet qyz­meti­ne baılanysty elordanyń “Re­dıs­son” qonaqúıiniń Saryarqa zalyn­da baspasóz máslıhaty bolyp ótti. Buǵan “Astananyń jańa ýnı­versıteti” AQ vıse-prezı­denti Qa­dısha Daırova, Results for Develop­ment Institute-niń basshysy, Ortalyq Azııadaǵy Dúnıejúzilik Bank ókil­diginiń burynǵy dırektory Dennıs de Treı, Ortalyq Azııa jáne Kavkaz ınstı­týtynyń tóraǵasy, Pol Nısshe atyndaǵy Djons Hopkıns ýnı­versıtetiniń Ozyq halyqaralyq zertteýler mektebiniń professory Frederık Starr men Ǵaryshty zert­teý ınstıtýtynyń qurmetti dırek­tory Roald Sagdeev jáne Deloıtt kompanııasynyń atqarýshy departa­mentiniń basqarýshy serik­tesi Derrıl Hadaýeı, Ener­getı­kalyq tehno­logııa­lar­dyń esep­teý fızıkasy men gıdro­dınamıka bólimshesiniń qyz­met­keri Zınetýlla Insepov syndy oqymys­tylar, ǵylymı jáne iskerlik qoǵam ókilderi qatysty. Astananyń jańa ýnıversıtetiniń damý stra­tegııasy baspasóz máslıhatynyń negizgi taqyryptyq ózegine aınaldy. Baspasóz máslıhaty barysynda vıse-prezıdent Q.Daırova ýnıver­sıtettiń qalyptasýynyń birinshi jyldarynda halyqaralyq tájirı­beni zertteý jáne qoldaý úshin ha­lyqaralyq konsýltatıvtik keńes­tiń qurylǵanyn atap ótti. Ol son­­daı-aq Astananyń jańa ýnıver­sıteti bakalavrıatynyń birinshi bazalyq kýrsy – Foundation baǵ­dar­lamasyna stýdentterdi qabyldaý júrgiziletin­digi týraly, oǵan túsý tártibi sheteldik seriktes London­nyń ýnı­versıtettik kol­ledji­men belgilen­gendigi jóninde jáne atal­mysh oqý orny aǵymdaǵy jyldyń jazynda ashylatyndyǵyn tilge tıek etti. Al Jańa ýnıversıtettiń oqytý úrdisi týraly Ortalyq Azııa jáne Kavkaz ınstıtýtynyń tóraǵasy, Pol Nısshe atyndaǵy Djons Hopkıns ýnıversıtetiniń Ozyq halyqaralyq zertteýler mektebiniń professory Frederık Starr: “Bul ýnıversıtet halyqaralyq joǵary oqý oryndary­men seriktestik negizde qurylǵaly otyr. Alaıda, bul túbegeıli qazaq ǵalymdary, professorlary tys qalyp qoıdy degendi bildirmeıdi. Kerisinshe, jańa ýnıversıtetke shetelde bilim alyp, qazirgi ýaqytta sol jaqta dáris oqyp júrgen eń úzdik, qabiletti, jas qazaq ǵalymdary tartylady. Olar belgili bir ýaqyt aralyǵynda Qazaq­stanǵa oralyp, onyń ǵylymı ómirine belsene aralasady. Meniń pikirimshe, bul sheteldik jáne jergi­likti ǵalym­dardyń, professorlardyń birlesken kásiporny. Sonymen qatar, bul qazaq halqynyń, qazaq pedagogtarynyń kúsh-qýatymen ǵasyrdan ǵasyrǵa ulasatyn kásiporyn” – deı kele osy ýnıversıtettiń álemniń úzdik 30 ýnıversıtetiniń qataryna enýi tıis ekendigin atap ótti. Memleket basshysynyń tikeleı bastamasymen ashylǵaly otyrǵan jańa ýnıversıtettiń 2010 jylǵa ar­nalǵan oqýǵa qabyldaý sharasy 3 ke­zeń­ge bólinetin bolady. Alǵashqy keze­ńi naýryz aıynan beri bastalǵan bol­sa, bir aıǵa deıin jalǵasatyn qa­byl­daý merzimi ishinde 1500-ge jýyq stý­dentter qujat tapsyryp, tildik sy­naq­tardan ótedi. Al ekinshi kezeńi ma­myr­da, úshinshi kezeń maýsym aıynan bas­tap qyrkúıek aıyna deıin jalǵasady. Araı ÚIRENIShBEKQYZY.