Búgingi tańda memleket Basshysynyń Joldaýyn oryndaý maqsatynda elimizdiń barlyq óńirlerinde turmystyq sybaılas jemqorlyqty joıýǵa baǵyttalǵan "Adaldyq alańy" jobasy iske asyrylýda.
Jobanyń tujyrymdamalyq negizi Memlekettik qyzmetterdi alý kezinde azamattar úshin qolaıly jaǵdaılar jasaý jáne parasattylyq mádenıetin ilgeriletý kontekstinde qoǵamdyq baqylaýdy pármendi iske asyrýdy qamtamasyz etý bolyp belgilendi.
О́ńirlik jobalarǵa basshylyq jasaýdy qoǵam ókilderi ákimdiktermen jáne Agenttiktiń aýmaqtyq departamentterimen tyǵyz ózara is-qımylda júzege asyratynyn atap ótken jón.
Jobalyq keńseniń qundylyqtaryn ilgeriletý jáne halyq máselelerin jedel sheshý úshin óńirlik jobalyq keńselerdiń basshylary sybaılas jemqorlyqqa qarsy is-qımyl máseleleri boıynsha oblystar, Nur-sultan, Almaty jáne Shymkent qalalary ákimderiniń shtattan tys keńesshisi bolyp taǵaıyndaldy.
Jaýapty tulǵalardy bekitý jolymen sybaılas jemqorlyqqa qarsy is-qımyl máselelerin kúsheıtý boıynsha osyndaı jumys aýdandyq deńgeıde júrgizilýde.
Bul tásil memlekettik organdar tarapynan sybaılas jemqorlyqqa qarsy is-qımyl máselelerine, qoǵamda parasattylyqty qalyptastyrýǵa, sondaı-aq jobalyq basqarý qaǵıdattaryna sáıkes keletin áleýmettik sıpattaǵy máselelerdi sheshýge erekshe nazar aýdarýǵa múmkindik beredi.
