Elbasy • 18 Maýsym, 2020

Syrqatty jedel jeńetinińizge senemiz - Jeńisbek Máýlenqulov

72 ret kórsetildi

Túrkistan oblystyq ardagerler keńesiniń tóraǵasy Jeńisbek Máýlenqulov Elbasynyń saýyǵyp ketýin tiledi.

Sizdiń sarabdal saıasatyńyzdyń, kemeńgerligińiz ben kóregendigińizdiń arqasynda Qazaqstan myqty memleketke aınalyp, búkil álemdi moıyndatty.  Siz "Qazaqstan joly" - "Nurly jol" syndy ózindik ózgeshe joldy salyp, elimizdi damýdyń bıik belesterine shyǵardyńyz. Áleýmettik baǵdarly, ekonomıka, ınnovasııa, Qazaqstan halqynyń birligi men yntymaǵy, tatýlyq pen turaqtylyq temirqazyq etip alyndy. "Baq ta, taq ta talasqanǵa buıyrmaıdy, halyqtyq iste jarysqanǵa buıyrad" degen qanatty sózińiz bar. Qazir el astanasy Nur-Sultan qalasy búkil álem qyzyǵa kóz tigetin álemdik ortalyqqa aınaldy. Elorda - Elbasymyzdyń eren erliginiń jemisi. Muny jer-júziniń eki júzge jýyq memleketiniń barshasy moıyndady.

Túrkistan qalasyn túletý shyńdap qolǵa alyndy. Mine, Sizdiń tarıhı Jarlyǵyńyz qabyldanyp, jańa oblys qurylyp, túrkiler tóri Túrkistannyń ortalyqqa aınalǵanyna eki jyl toldy. Túrkistan bir kezdegi elorda sekildi eki-úsh aı saıyn tanymastaı ózgerip, tańǵaldyrylýda.

Biz Táýelsizdik degende qasıetti halqymyz ben Tuńǵysh Prezıdentimizdi erekshe maqtan etemiz.  Memleket basshysy, Sizdiń izgilikti izbasaryńyz, búgingi Prezıdentimiz Qasym-Jomart Toqaev sabaqtastyqty, ádilettilikti, ilgerileýdi basty baǵdar etip, syndarly murat jolynda aıanbaı eńbek etýde. Álemdegi qalyptasyp otyrǵan qıyndyqtardy eńserýdiń erekshe joldaryn, parasattylyqpen, jańashyldyqpen taba bilýde.

Qymbatty Nursultan Ábishuly! Sizdiń sál syrqattanyp qalǵanyńyz bizdi biraz mazasyzdandyrǵanyn jasyrmaımyz. Biz Sizge barlyq kezde de tilektes boldyq. Tileýles bola beremiz. Qandaı syrqattan da sergektikpen, kóterińki kóńil-kúımen, jedel jeńetinińizge senemiz. Sizge myqty densaýlyq, baq-bereke tileımiz!

Jeńisbek MÁÝLENQULOV

Túrkistan oblystyq ardagerler keńesiniń tóraǵasy 

Sońǵy jańalyqtar

Tórt klýb top bastap tur

Fýtbol • Búgin, 00:00

Ezop pen Abaı

Rýhanııat • Keshe

Shyndyq pen ótirik

Qazaqstan • Keshe

Aıbardyń armany

Rýhanııat • Keshe

Túrkistanǵa 3000 jyl

Rýhanııat • Keshe

Uqsas jańalyqtar