Agenttiktiń Túrkistan óńirlik ókilder basqarmasynyń basshysy Nurjan Ormanovtyń aıtýynsha, mıkrokredıttik uıymdar, lombardtar resmı qaıta tirkeýden ótip, zań talaptaryna saı jumysyn bastaıdy.
"Túrkistan oblysynda 25 mıkrokredıttik uıym resmı jumys istese, búgingi tańda onyń 22-si ótinish berip, 17-iniń qujattary tirkelgen. Qalǵany qaralýda. Sondaı-aq, óńirde 141 lombard jumys isteıdi, onyń 41-i ótinish berip, 35-iniń qujattary rásimdeldi. Tirkeý jumystary 1 shildege deıin jalǵasatyn bolady", dedi Nurjan Qonysuly.
Agenttik shaǵyn jáne orta kásipkerlik sýbektilerine qoldaý sharalaryn kórsetý tártibin de qadaǵalaıdy. Sonymen qatar, Ulttyq Banktiń enshiles uıymdary arqyly júzege asyrylatyn jeke tulǵalardyń ıpotekalyq turǵyn úı qaryzdaryn jáne ıpotekalyq qaryzdardy qaıta qarjylandyrý baǵdarlamalaryn iske asyrý, osy baǵdarlamalar sheńberinde bankter qabyldaǵan mindettemelerdiń oryndalýyn baqylaıdy.
Sondaı-aq brıfıngte basqarma basshysy agenttiktiń qyzmettik mindetteri jóninde maǵlumat berdi.
