Aqtóbede bes kún boıy júrgen Qazaqstannyń halyq jazýshysy Tahaýı Ahtanovtyń 90 jyldyǵyna arnalǵan elimizdiń drama teatrlarynyń HHI respýblıkalyq festıvali máresine jetti. Qazaqtyń belgili jazýshysy, dramatýrgi, Memlekettik syılyqtyń laýreaty, kórnekti mádenıet jáne óner qaıratkeri Tahaýı Ahtanovty máńgi este qaldyrýdy, elimizde teatr ónerin nasıhattaýdy, dástúrli teatr ónerin damytýdy, daryndy ártister men rejısserlerdi yntalandyrýdy, qazirgi zamanǵy sahna ónerindegi jańa baǵyttardy anyqtaýdy maqsat etken festıvalǵa qatysqan elimizdiń on jetekshi drama teatry qazaqstandyq avtorlar M.Áýezovtiń, B.Soqpaqbaevtyń, O.Bókeıdiń, T.Ahtanovtyń, Sh.Murtazanyń, Iran-Ǵaıyptyń, Q.Ysqaqovtyń, S.Asylbekulynyń, D.Jumabaevanyń jáne O.Marktiń qoıylymdaryn qazylar talqysyna, kórermender kóńil tarazysyna usyndy. Festıvaldiń jabylý saltanaty aldynda Tahaýı Ahtanovtyń 90 jyldyǵyna arnalǵan mádenı sharanyń kúndeligi týraly foto-beınematerıaldar kórsetildi. Saltanatty sátke jınalǵandar aldynda «Dostyq sazy» folklorlyq-etnografııalyq ansambli óner kórsetti.
Aqtóbede bes kún boıy júrgen Qazaqstannyń halyq jazýshysy Tahaýı Ahtanovtyń 90 jyldyǵyna arnalǵan elimizdiń drama teatrlarynyń HHI respýblıkalyq festıvali máresine jetti. Qazaqtyń belgili jazýshysy, dramatýrgi, Memlekettik syılyqtyń laýreaty, kórnekti mádenıet jáne óner qaıratkeri Tahaýı Ahtanovty máńgi este qaldyrýdy, elimizde teatr ónerin nasıhattaýdy, dástúrli teatr ónerin damytýdy, daryndy ártister men rejısserlerdi yntalandyrýdy, qazirgi zamanǵy sahna ónerindegi jańa baǵyttardy anyqtaýdy maqsat etken festıvalǵa qatysqan elimizdiń on jetekshi drama teatry qazaqstandyq avtorlar M.Áýezovtiń, B.Soqpaqbaevtyń, O.Bókeıdiń, T.Ahtanovtyń, Sh.Murtazanyń, Iran-Ǵaıyptyń, Q.Ysqaqovtyń, S.Asylbekulynyń, D.Jumabaevanyń jáne O.Marktiń qoıylymdaryn qazylar talqysyna, kórermender kóńil tarazysyna usyndy. Festıvaldiń jabylý saltanaty aldynda Tahaýı Ahtanovtyń 90 jyldyǵyna arnalǵan mádenı sharanyń kúndeligi týraly foto-beınematerıaldar kórsetildi. Saltanatty sátke jınalǵandar aldynda «Dostyq sazy» folklorlyq-etnografııalyq ansambli óner kórsetti.
Qazylar alqasy men kórermender kóńilinen shyǵýǵa bar sheberlikteri men izdenisin salǵan teatr ártisteriniń óneri bul joly nomınasııalar boıynsha baǵalandy. Oblystyq mádenıet basqarmasy taǵaıyndaǵan «Kórermender kózaıymy» syılyǵyna Nıkolaı Pogodın atyndaǵy Soltústik Qazaqstan oblystyq drama teatrynyń ártisi Irına Poleshýk ıe boldy. Áıteke bı aýdany ákimdigi taǵaıyndaǵan «Úzdik rejısserlik debıýt» nomınasııasy boıynsha «Vremıa –eto ptısa» premerasyn qoıǵan Tahaýı Ahtanov atyndaǵy Aqtóbe oblystyq drama teatry orys trýppasynyń jas rejısseri Baltabek Nurǵalıev jeńimpaz atandy. «Akterlik debıýt» nomınasııasynda Bıken Rımova atyndaǵy Taldyqorǵan oblystyq drama teatrynyń akteri Erkebulan Aıdynbaevtyń, al, «Ekinshi plandaǵy úzdik er adam beınesi» nomınasııasynda da osy teatrdyń akteri Saǵyndyq Jumádildiń baǵy janyp, mereıi ústem boldy. «Úzdik áıel róli» nomınasııasy boıynsha Sáken Seıfýllın atyndaǵy Qaraǵandy oblystyq drama teatrynyń aktrısasy Dına Zaıtova bıikten kórindi. «Úzdik jastar beınesi» nomınasııasynda Astana qalasynyń jastar teatry jeńimpaz boldy. «Ulttyq minezdi laıyqty ulyqtaǵany úshin» nomınasııasy boıynsha Maksım Gorkıı atyndaǵy memlekettik akademııalyq orys teatry úzdik dep tanyldy. Al, tarıhı taqyrypty Shahmet Qusaıynov atyndaǵy Aqmola oblystyq qazaq mýzykalyq-drama teatrynyń sátti sahnalaǵany aıtyldy. Qalıbek Qýanyshbaev atyndaǵy memlekettik akademııalyq qazaq teatrynyń óner sheberleri «Úzdik akterlik ansambl» dep tanyldy. «Osy zamanǵy taqyrypty úzdik ıgergeni úshin» nomınasııasy boıynsha Muhtar Áýezov atyndaǵy Qazaq memlekettik akademııalyq drama teatry jeńimpaz atandy. Aqtóbe oblysynyń ákimi syılyǵyna Tahaýı Ahtanovtyń «Ant»pesasyn sahnalaǵan T.Ahtanov atyndaǵy Aqtóbe oblystyq drama teatry ıe boldy.
Jeńimpazdarǵa mereıtoı ıesi Tahaýı Ahtanovtyń bıýsti men Aqtóbe týraly kitap syıǵa tartyldy, jeńimpazdar sondaı-aq, dıplomdarmen jáne aqshalaı syılyqtarmen marapattaldy.
Satybaldy SÁÝIRBAI,
«Egemen Qazaqstan».
Aqtóbe oblysy.
