«Aıbyndy armııamyzdyń kásibı serjanty bolýdy armandaımyz»

Jaqynda Aqmola oblysyna qarasty Shýche qalasyndaǵy Shoqan Ýálıhanov atyndaǵy Kadet korpýsynda jas býynnyń áskerı ant qabyldaý rásimi saltanatty túrde ótti. Podpolkovnık Talǵat Baýdınov basqaratyn oqý ornynyń 246 kadeti óziniń halqyna, Prezıdentine, eliniń erjúrek ári batyl qorǵaýshysy bolýǵa ant berdi.

Jaqynda Aqmola oblysyna qarasty Shýche qalasyndaǵy Shoqan Ýálıhanov atyndaǵy Kadet korpýsynda jas býynnyń áskerı ant qabyldaý rásimi saltanatty túrde ótti. Podpolkovnık Talǵat Baýdınov basqaratyn oqý ornynyń 246 kadeti óziniń halqyna, Prezıdentine, eliniń erjúrek ári batyl qorǵaýshysy bolýǵa ant berdi.

Ant bergen jastardy Má­jilis depýtattary, Qarýly Kúsh­terimizdiń ardagerleri, generaldary, Halyq Qaharmany Baqytjan Ertaev, Abaı Tasbolatov, Qor­ǵanys mınıstrliginiń áskerı bilim jáne ǵylym departamentiniń bas­tyǵy, polkovnık Qaırat Kóp­baev, Áskerı-strategııalyq zert­teý ortalyǵynyń prezıdenti Ba­qyt­jan Ábdiraıym, Uly Otan soǵy­synyń ardageri, maıdanger ushqysh, II dárejeli Otan soǵysy, Eńbek Qyzyl Tý ordenderiniń ıegeri Vasılıı Pazych, tyl ardageri, Qyzylorda oblysynyń burynǵy ataqty shopany, Lenın, Eńbek Qyzyl Tý ordenderiniń ıegeri, Qazaly aýdanynyń syıly azamaty Myrzash Jumashev, qoǵam qaıratkerleri, kadetterdiń ata-analary, týǵan-týystary, taǵy basqalar qatysty.

Kadetterge aq tilegin joldaǵan B.Ertaev: «Búgingi alǵashqy qa­dam­daryń qutty, este qalatyn bolsyn. Osydan 40 jyl buryn biz, Abaı Tasbolatov ekeýmiz, ıaǵnı sizder sııaq­ty órimdeı jas jigitter, tuń­ǵysh ret ıyǵymyzǵa pogon taq­qanbyz. Ol kezde men de bolashaqta aýǵan jerinde batalon komandıri bolyp ózim­niń sarbazdarymdy boraǵan oq­tyń astynda jaý shabýylyna qarsy kóteremin degen oı bolǵan emes edi. Ondaı taǵdyrdy sizderdiń peshenelerińizge jazbasyn. О́mir­de qandaı qıyndyqtan ótsem de «Táýekel túbi – jelqaıyq» dep oılaǵan armanyma jettim, áskerı adam bolǵanyma ókinbeımin. Qa­shanda bolsyn umytpaýlaryńyz kerek, ulan-ǵaıyr jerimizdi batyr babalarymyz erlikterimen saqtap qalǵanyn, olardyń aman­atyn oryndaý, abyroıly isterin jalǵastyrý mindeti endi sizderde – jas urpaqta. Eń bastysy, jaqsy oqyp, kásibı serjant bolyp shyǵýǵa umtylý kerek» dedi.

Kezinde tuńǵysh Áskerı aka­demııanyń basshysy, Qor­ǵa­nys mınıstriniń orynbasary, Res­pýblıkalyq ulannyń qol­basshysy bolǵan general Abaı Tas­bolatov osy kadetterdiń ant qabyldaý saltanatynda óz sózimen sarbazdar­ǵa qanat bitirgendeı boldy. «Búgin sizder baqyttysyzdar, – dedi ol. – Nege deseńizder, alǵash ret 1996 jyly Kadet korpýsy ashylǵanda bizdiń Áskerı akademııaǵa Elbasy, Qarýly Kúshterimizdiń Joǵarǵy Bas qolbasshysy Nursultan Ábishuly Nazarbaev kelip, tuń­ǵysh oqýǵa túsken 67 kadetti qut­tyqtap, bolashaq kishi komandır­lerge úlken senim artty. Osy kúni ásker qatarynda Kadet korpýsyn támamdaǵan 2 myńnan astam kásibı serjant bar. Olar jyldan-jylǵa qaryshtap ósýde, áskerı daıyndyqtyń dárejesi joǵary. Serjanttardyń ishinde ofıser shenin alǵan komandırler bar. Sizder Elbasynyń senimin aqtap, qyzmetterińizdi ońǵa bas­tyra berińizder. Joǵarǵy Bas qolbasshy Kadet korpýsyna búkil jaǵdaıdy jasaýda. Oqý mekemesi zamanaýı materıaldyq bazamen tolyq jabdyqtalǵan. Memleket basshysy kóńil bólmese, mundaı kóz qýanarlyq el, aıbyndy ásker bolmas edi».

Osy sharada III dárejeli «Aıbyn» ordeniniń ıegeri, Kadet korpýsynyń tuńǵysh túlegi, Qarýly Kúshterimizdiń Bas serjanty Temirbek Halyqov kópshiliktiń aldynda sarbazdardyń atynan elimizdiń tynyshtyǵy men qaýipsizdigin qorǵaýǵa daıyn ekenin bildirdi.

Ant qabyldaý rásiminde symdaı tartylǵan sarbazdar saltanatty túrde sap túzep basshylardyń, qonaqtardyń aldynan ótti. Keıinnen kadetter áskerı kásibı sheberligin kórsetip, ata-analaryn qýantty. Merekelik shara konsertpen jalǵasty.

Kadet korpýsynyń bastyǵy, podpolkovnık Talǵat Baýdınov bizge oıyn bylaı bildirdi:

– Bizdiń Kadet korpýsyna keletin bolsaq, bul oqý mekemesi 1996 jylǵy 1 shildede Elbasynyń Jarlyǵymen qurylǵan bolatyn. Qazaqstan Respýblıkasy Úkimetiniń 2000 jylǵy 16 aq­pan­daǵy №257 qaýlysy men Qor­ǵanys mınıstriniń sol jylǵy 29 qarashadaǵy №310 buıryǵy negizinde Kadet korpýsyna Shoqan Ýálıhanov esimi berildi. Kadet korpýsy qyzmetiniń negizi Qarýly Kúshterimizde serjanttar quramy laýazymdarynda kelisimshart boıynsha áskerı qyzmetti ótkerý úshin kishi komandalyq quram kadrlaryn daıarlaý bolyp tabylady. Jalpy, orta bilim bazasynda oqytý – eki jyl. Mine, ótken 17 jyldyń ishinde Qarýly Kúshterimizge 2 myńnan astam kásibı kishi komandırler daıyndaldy.

Munda áskerı-patrıottyq tárbıege kóp kóńil bólinedi. Memleket basshysy Nursultan Ábishuly Nazarbaev Qazaqstan halqyna arnaǵan Joldaýynda: «Bizdiń bolashaǵymyz adam kapıtalynyń sapaly ósiminde» – degen bolatyn. Sondyqtan oqý prosesine, tárbıe jumysyna ja­ńa tehnologııalar men zamanaýı tálim berý úlgileri engizilýde. Munyń bári kadetterdiń rýhanı, moraldyq-psıhologııalyq ahýalyn saýyqtyrýǵa septigin tıgizedi. Maqsat – áskerimizge kásibı serjant daıyndaý bolǵandyqtan, bilimdi, densaýlyǵy myqty, psıhologııalyq jaǵynan or­nyq­ty, ıaǵnı eldi qorǵaýǵa daıyn jas­tar iriktelip oqý orny­na qa­byldanady. Kadetter úshin barlyq jaǵdaı jasalǵan. Jaý­yn­gerlik daıyndyqtan basqa, rýhanı-adamgershilik tárbıeni damytýǵa jaǵdaı jetkilikti. Demalys kúnderi kadetter qalanyń murajaıyna, máde­nıet ortalyǵyna, muz aıdy­nyna, kınoteatrǵa barady. Ka­det­terdiń ishetin tamaǵynyń sapasy da jaqsy, rasıonda ul­ttyq taǵamdarmen birge, je­mis­tiń birneshe túri bar. Bir sóz­ben aıtqanda, komandırler ka­det­terdi ózderiniń balalaryndaı jyly kózben qarap, oqytyp, tár­bıeleýde.

Jas kadettermen kezdesip, oı­laryn bilmek bolǵanymda, Er­nur Myrzash bylaı dedi: «Men Qyzylorda oblysyna qarasty Qa­zaly aýdanyndaǵy orta mektepti bıyl jaqsy aıaqtadym. Kishkentaı kezimnen sarbaz bolýdy armandaǵan edim. Mine, polıgonda bolyp, búkil alǵa qoıǵan tapsyrmalardy oıdaǵydaı oryndap, búgin kadet bolǵanyma qýanyshtymyn. Qýanyshymdy atam Myrzash, týysqandarym Gúlnár, Qarshyǵa da bólisip otyr. Meniń taǵy bir atam Jumash Uly Otan soǵysyna qatysyp, erlik kórsetip, bir qolynan aıyrylǵan. Búgin jaqyn týys­tarym Aısholpan Jumasheva, Bekzat Nurjanov – Qarýly Kúshterimizdiń ofıserleri. Olar maǵan úlgi. Men de kásibı serjant bolýdy armandaımyn».

Kadet Alekseı Trıakın: «Ka­det korpýsynyń kadeti bolý úshin men Taraz qalasynyń orta mektebinde oqyp júrgende tııanaqty daıyndaldym. Sportqa da kóp kóńil bólip, sport sheberi ataǵyna ıe boldym. Osy oqý ornynda da boks seksııasyna qatyssam degen oıym bar. Otan qorǵaýshy retinde aıbyndy armııamyzda jan-jaqty kishi komandır bolǵanymdy armandaımyn».

Saparǵalı JAǴYPAROV,

áskerı jýrnalıst.

Aqmola oblysy.

––––––––––––––––––––

Sýretterdi túsirgen

Rýslan AITMUHAMBETOV.