Mınıstr habarlaǵandaı, Atqarýshylyq is júrgizý týraly zańda atqarýshylyq is júrgizýdi jetildirýge, isterdiń áleýmettik-mańyzdy sanattaryn oryndaýdyń basymdylyǵyn qamtamasyz etý boıynsha JSO jáne palatalardyń qyzmetin uıymdastyrýǵa baǵyttalǵan ózgerister qarastyrylǵan.
Endi, eger jeke sot oryndaýshysy bir aı ishinde atqarýshylyq qujattar isteriniń áleýmettik máni bar sanattary boıynsha májbúrlep oryndatý sharalaryn qabyldamasa, onda qyzmetpen aınalysý quqyǵyna berilgen lısenzııasynan aıyrylady.
Sonymen qatar "Qazaqstan Respýblıkasynyń keıbir zańnamalyq aktilerine atqarýshylyq is júrgizý máseleleri boıynsha ózgerister men tolyqtyrýlar engizý jáne qylmystyq zańnamany jetildirý týraly" Zańy boıynsha ýákiletti organnyń (QR ÁM) baqylaýy jáne prokýratýra tarapynan qadaǵalaýy kúsheıtildi, bul jeke sot oryndaýshylarynyń jaýapkershiligin arttyrýǵa yqpal etedi.
Mınıstr atap ótkendeı, jańa Zańda shekteý sharalaryn alyp tastaý tártibin, onyń ishinde óndirip alýshynyń ótinishi boıynsha qaıtarylǵan atqarýshylyq qujattar boıynsha reglamentteý, sondaı-aq olqylyqtar men kollızııalardy joıý kózdelgen.
Atqarýshylyq is júrgizý týraly zańdy Parlament qabyldady, qazirgi tańda Prezıdenttiń qaraýyna joldanýǵa ázirlenýde.
