Keshe «Nur Otan» partııasy Tóraǵasynyń birinshi orynbasary Baýyrjan Baıbek memleketimizge jumys saparymen kelgen Eýropa halyqtyq partııasynyń vıse-prezıdenti, Eýropa Parlamentiniń depýtaty Marıo Devıdpen kezdesti.
Keshe «Nur Otan» partııasy Tóraǵasynyń birinshi orynbasary Baýyrjan Baıbek memleketimizge jumys saparymen kelgen Eýropa halyqtyq partııasynyń vıse-prezıdenti, Eýropa Parlamentiniń depýtaty Marıo Devıdpen kezdesti.
Kezdesý barysynda B.Baıbek Eýropa Halyqtyq partııasynyń qujaty men «Nur Otan» partııasynyń jańa Doktrınasynda kórsetilgen Adam, Bostandyq, Ádilettilik, Zańnyń ústemdigi, Otbasy jáne Dástúr syndy kóptegen qundylyqtardyń uqsastyǵyn atap ótti. Sonymen qatar, eki partııanyń da strategııalyq qujattarynda eldiń bolashaǵyna degen jaýapkershilik atalǵany kóldeneń tartyldy.
«Osydan bir jyl buryn, 2012 jyldyń 18 qazanynda Býdapeshtte Eýropa Halyqtyq partııasy kongresinde strategııalyq tuǵyrnama qabyldansa, bir jyldan keıin dál sol kúni Astanada «Nur Otan» partııasynyń XV sezi ótkizilip, onda partııa Doktrınasy qabyldanbaq», – dedi B.Baıbek.
Taraptar Eýropa men Qazaqstan arasyndaǵy saıası qarym-qatynasty nyǵaıtý jáne partııaaralyq yntymaqtastyq máselelerin talqylady. О́tken pikir almasý eki jaqtyń qyzyǵýshylyǵy men únqatysý qurýǵa múddeli ekendigin kórsetti.
Eýropa Halyqtyq partııasy (European People’s Party) 1976 jyly qurylǵan iri transeýropalyq ońsentrıstik saıası partııa bolyp tabylady. Ol saıasattyń ońsentrıstik aıasynda baǵyttalǵan hrıstıan-demokratııalyq, konservatıvtik jáne basqa da Eýropa memleketteriniń partııalaryn biriktiredi. Búgingi kúni Eýropa Halyqtyq partııasynyń saıası toby eýropalyq sentrıster men ońsentrısterdi biriktiretin eń iri Eýropa Parlamenti (275 depýtat) bolyp tabylady.
«Nur Otan» partııasynyń jańa Saıası doktrınasy jobasynda partııa «ekonomıkalyq lıberalızm men áleýmettik konservatızmniń jınaqtalýyn kózdeıtin saıası sentrızm ıdeologııasyna negizdelgen saıasatty júrgizedi. Bul ekonomıka men saıasatty jan-jaqty jańartýǵa, qoǵamnyń nyǵaıýyna, myqty ári tabysty memlekettiń qalyptasýyna múmkindik týǵyzady», dep kórsetilgen.
«Egemen-aqparat».
