Volonterlerdiń kómegimen "Birgemiz" aksııasy sheńberinde qalamyzda búgingi kúnge deıin 107 mln teńge kóleminde 8500-ge jýyq muqtaj otbasylarǵa azyq-túlik úlestirilip, jalǵyzbasty qarııalarǵa, erekshe qajettilikteri bar azamattarǵa jáne turmysy tómen kópbalaly otbasylarǵa 1 mln dana maska tegin taratyldy.
Budan bólek, volonterlar zardap shekken Maqtaaral aýdanyna 81 mln-nan astam qarjyǵa azyq-túlik, gıgıenalyq zattar men kıim-keshekter jáne tehnıka jóneltýge qol ushyn sozǵan.
"Volonter bolý – júrektiń isi, ıaǵnı shynaıy nıettiń kórinisi. Sizder qolǵa alǵan jumystardyń barlyǵy dál osyndaı meıirimdiliktiń jarqyn úlgisi ekenine kúmánimiz joq. Sizderge barlyq bastamalaryńyzǵa sáttilik, zor densaýlyq, otbasylaryńyzǵa amandyq tileımin", dedi partııa fılıalynyń jetekshisi.
"Búgin meniń armanym oryndaldy! Elbasy Nursultan Ábishuly Nazarbaevtyń Alǵys hatymen marapattaldym! Bul meniń indet kezindegi, appattar kezindegi jáne jastar saıasatyndaǵy 6 jyl boıy eńbegimniń jemisi!" dep erikti Jasmın Ashımova jastardy belsendilikke shaqyrdy.
Kezdesý sońynda partııalyqtar jastar aldaǵy ýaqytta da el ıgiligi men elimizdiń ósip órkendeýi jolynda aıanbaı eńbek etetindigine senim bildirdi.
