Quttyqtaý barysynda Shymkent Densaýlyq saqtaý basqarmasy basshysynyń orynbasary Ernar Myrzaqulov medısına qyzmetkerlerine syılyq tapsyryp, jumystaryna sáttilik tiledi.
Bul merekelik syılyq Shymkent qalalyq kardıologııalyq ortalyq, Shymkent qalalyq №1 klınıkalyq aýrýhanasy, Shymkent qalalyq perınataldyq ortalyq, Shymkent qalalyq juqpaly aýrýlar aýrýhanasy jáne Shymkent qalalyq klınıkalyq balalar aýrýhanasyndaǵy qyzmetkerlerine tabystaldy. Olardyń árqaısysynyń 15 bólimshesine atalǵan syılyqtar berildi.
О́z kezeginde Shymkent qalalyq kardıologııalyq ortalyq bas dárigeriniń mindetin atqarýshysy Ermaǵanbet Muqanuly: "Qurmetti áriptester, kásibı merekemizge oraı Shymkent ákimshiligi jáne qalalyq Densaýlyq saqtaý basqarmasy atynan syılyq jiberip, bizdi quttyqtap otyr. Rızashylyǵymyzdy bildiremiz. Áriptesterime densaýlyqtaryńyz myqty bolyp, myna qıynshylyqtan tezirek ótip, indetti birge jeńe bereıik degim keledi", – dedi E.Qýatbaev. Al kardıohırýrg dárigeri Tynybek Saparov on jyldan beri osynda isteıtinin alǵa tartyp, syılyq ákelgen kisilerge alǵysyn aıtty. Osy oraıda Shymkent qalalyq №1 klınıkalyq aýrýhanasynyń kásipodaq tóraǵasy Qurmanbaı Baıramov ta óz raqmetin jetkizdi.
