Qazaqstandyq túlektermen birge Qyrǵyz Respýblıkasynyń toǵyz jáne Tájikstan Respýblıkasynyń on ókili ofıser ataǵyn aldy. Jalpy, bıyl Áskerı ınstıtýt ózimizdiń respýblıkamyz ben kórshi elderge 219 maman shyǵaryp otyr. Olardyń altaýy oqý ornyn úzdik bitirdi, al leıtenant Arnat Syzdyqovqa "Áskerı oqý ornyn úzdik bitirgeni úshin" tósbelgisi tabys etilip, onyń esimi ınstıtýttyń Qurmet taqtasyna engizildi.
Oqýdy tabysty aıaqtaýlarymen túlekterdi Ulttyq Ulan Bas qolbasshysynyń atynan onyń orynbasary, Memlekettik attestatsııalyq komıssııasynyń tóraǵasy, general-maıor Albert Matkarımov quttyqtady. "Memleket Basshysy Qasym-Jomart Toqaev Qazaqstan halqyna Joldaýynda elimizdiń oqý oryndarynyń qazaqstandyqtardyń bolashaq urpaǵyn tárbıeleýdegi, azamattardyń tez ózgeretin álemde bilimdiligi men básekege qabilettiliginiń joǵary deńgeıin qalyptastyrýdaǵy mańyzdy rólin atap ótti. Prezıdent talaptaryn júzege asyrý aıasynda búgin biz ofıserlerdiń kezekti legin shyǵaryp otyrmyz. Ishki ister mınıstriniń buıryǵymen sizderge alǵashqy ofıserlik shen – leıtenant berildi. Men sizderdi osy, kópten kútken oqıǵamen quttyqtaımyn", dedi ol.
Jas leıtenanttardy Soltústik Qazaqstan oblysynyń ákimi atynan onyń orynbasary Ǵanı Nyǵmetov quttyqtady. «О́ńir turǵyndary elimizdiń Tuńǵysh Prezıdenti – Elbasy Nursultan Nazarbaevtyń bastamasymen qurylǵan Áskerı ınstıtýtqa erekshe qurmetpen qaraıdy jáne ol Jaýyngerlik týdy óz qolymen tapsyrǵan jalǵyz áskerı joǵary oqý orny ekenin maqtan etedi. Instıtýttyń kýrsanttary men ofıserleri óńirdiń qoǵamdyq, mádenı jáne sporttyq ómirine belsendi qatysady. Biz Áskerı ınstıtýttyń jeke quramyna óńirdegi tótenshe jaǵdaı rejimin qamtamasyz etý kezeńinde qoǵamdyq tártipti saqtaýǵa qatysqany úshin alǵys bildiremiz», – dedi Ǵanı Saqtaǵanuly óziniń sózinde.
Dástúr boıynsha túlekterge ınstıtýttyń Jaýyngerlik týymen qoshtasý rásimi ótti. Mundaı qurmet túlekter atynan bıylǵy jyly "Altyn" medal ıegeri leıtenant Arnat Syzdyqovqa buıyrdy. О́z tarıhynda ınstıtýt 3527 jas ofıserlerdi shyǵardy, onyń 252-i oqýdy úzdik aıaqtap, 45-i "Áskerı oqý ornyn úzdik aıaqtaǵany úshin" tósbelgisimen marapattaldy. Búgin olar Ulttyq ulannyń, Ulttyq qaýipsizdik komıteti Shekara qyzmetiniń, Qorǵanys mınıstrliginiń, Memlekettik kúzet qyzmetiniń jáne basqa da áskerı qurylymdardyń bólimshelerinde qyzmet atqarady.
Qazir ınstıtýtta jeti mamandyq boıynsha ofıserlerdi daıarlaý júzege asyrylady. Joǵary oqý ornynyń alǵashqy túlekteri quramalar men áskerı bólimderdi basqarady, al olardyń keıbireýleri Bas qolbasshylyqta jáne óńirlik áskerler qolbasshylyqtarynyń shtabtarynda basshylyq laýazymdarda qyzmet etýde.
Ulttyq ulan Áskerı ınstıtýtynyń jeke quramy qalanyń jáne oblystyń qoǵamdyq-saıası, sporttyq, mádenı is-sharalaryna, sondaı-aq óńirdegi qoǵamdyq tártipti qamtamasyz etýge belsendi qatysady. Máselen, eldegi tótenshe jaǵdaıdyń quqyqtyq rejimi kezeńinde áskerı oqý ornynyń jasaqtary Petropavl qalasynyń kóshelerinde qoǵamdyq tártipti saqtaý boıynsha mindetterdi oryndady jáne oblys ortalyǵynda karantındik sharalardy qamtamasyz etýge qomaqty úles qosty. Qoǵamdyq tártipti saqtaý boıynsha qyzmet atqarý kezinde barlyǵy Petropavl qalasynyń 400-ge jýyq azamaty ustaldy, onyń 218-i ákimshilik quqyq buzýshylyq úshin jáne 10-y qylmys jasaý belgileri boıynsha jaýapkershilikke tartyldy. Materıaldyq-turmystyq bazany jaqsartý maqsatynda bıylǵy jyly qazirgi zamanaýı oqý korpýsynyń, kazarmanyń jáne sport kesheniniń qurylysy, sondaı-aq Áskerı ınstıtýttyń ǵımarattary men qurylystaryn kúrdeli jóndeý bastaldy.
Dástúrli túrde túlekter kók aspanǵa bıyl mereıtoılyq shyǵarylym qurmetine aspanǵa 20 kógershin men 20 shar ushyrdy. Osydan keıin túlekter ózderiniń alǵashqy qyzmet oryndaryna búginnen bastap áskerı ushaqpen attanyp ketedi.
QYZYLJAR
