SQO PD emhanasy bar gospıtali 19 300 adamǵa qyzmet kórsetedi. Basqa soltústikqazaqstandyqtardy TJ rejiminiń toqtatylýy qýantyp jatsa, bular áli de kúsheıtilgen rejimde jumys isteýde. Qazir olar keıbir jańa fýnksııalardy da qosa atqaratyn bolǵan. Sonyń ishinde barlyq oryndardy, ashyq alańdardy únemi dezınfeksııalaý, qyzmetkerler men emdelýshilerdiń dene qyzýyn jıi ólsheý kúndelikti daǵdyǵa aınalǵan. Josparly emdelýge jatqyzý tek PTR-testtiń teris nátıjesi bolǵan jaǵdaıda júrgiziledi.
Medısına qyzmetkerleri qarym-qatynas jasaýdy barynsha azaıtý - qaýipti indetti juqtyrýǵa jol bermeý men onyń taralýyn boldyrmaýdyń eń senimdi tásili ekenin aıtýdan jalyqpaıdy. Gospıtalde COVID-19 synamalardy alýǵa arnalǵan jeke kabınet, sondaı-aq osy indetti juqtyrýy múmkin kúdiktilerge arnaıy bólme uıymdastyrylǵan.
Karantındik shekteýler qaıta engizilgen jaǵdaıda medısına qyzmetkerleri blokbeketterde qaıta qyzmet atqarýǵa daıyn. Karantın alǵash bastalǵan kezde 22 meıirbıke oblys ortalyǵynyń shyǵa beristerinde táýlik boıy kezekshilik atqardy.
Adamdarmen únemi baılanys jasaıtyndyqtan, polıseılerdiń qashyqtyqtan jumys isteýine múmkindik joq. Barlyq qajetti sanıtarlyq qaýipsizdik sharalary kezinde olar basty táýekel tobyna kiredi. Kún saıyn tekseris júrgizilip, betperdelerdiń, antıseptıkterdiń, dezınfeksııalyq kilemshelerdiń bolýy, dezınfeksııalyq quraldarmen udaıy ylǵaldy tazalaý, kúnine 3 ret jaqtaýlar men esiktiń tutqalaryn súrtý basty nazarǵa alyndy.
Qazir medısınalyq bólim men gospıtaldiń bastyǵy Qumar Kúsemisov táýlikke jaqyndatylǵan rejimde jumys isteıdi. Zerthana da qalypty jumys kestesinen tys eńbek etýde. Emhanasy bar gospıtaldiń shtatynda úsh zerthanashy bar, meıirbıkelerdiń biri COVID-19 PTR synamalaryn alý tehnıkasyna oqyp kelgen. Jeke quramdy tekserý jumysy úzdiksiz júrgizilýde. Alaıda buǵan eshkim qarsylyq bildirmeı, túsinistikpen qaraýda.
"Oblys polıseıleriniń barlyq dárigerlerge, meıirbıkeler men zerthanashylarǵa bildirgen shynaıy alǵysy tegin emes. Olar árdaıym bizdiń janymyzda jáne densaýlyǵymyzǵa alańdatýshylyq týǵyzbaıtyn senimdi qorǵanymyz", deıdi SQO PD bastyǵy, polısııa polkovnıgi Marat Tólebaev.
Soltústik Qazaqstan oblysy
