UBT-nyń alǵashqy kúni barlyǵy 6512 testilenýshi qatysý qajet edi. Naqty 6186 testilenýshi qatysty.
"2020 jylǵy jańashyldyqtarynyń biri – ǵımaratqa kirgizý barysynda tyıym salynǵan zattar (smartfondar, jazba qaǵazdar, qulaqaspaptar jáne t.b.) tabylǵan jaǵdaıda, testilenýshiniń emtıhanǵa jiberilmeýinde. Osy qaǵıdany ustana otyra, 21 maýsym kúni respýblıka boıynsha 73 testilenýshi UBT-ǵa jiberilmedi. Sonymen qatar, 91 testilenýshi UBT ótkizý Erejelerin buzǵany úshin aýdıtorııadan shyǵaryldy. Barlyǵy 164 testilenýshi. Al ótken jyly búl kórsetkish barlyq testileý merziminde 24 bolǵan bolatyn", dedi BǴM Ulttyq testileý ortalyǵy dırektorynyń orynbasary Naýjan Dıdarbekova.
Onyń aıtýynsha, UBT ótkizý prosesine 2500-den asa mınıstrlik ókilderi tartylyp otyr. Aǵymdaǵy jyly testileýdiń ashyq jáne ádil ótkizilýin qamtamasyz etý maqsatynda Bilim sapasyn qamtamasyz etý departamentteriniń jáne 518 arnaıy monıtorıngtik toptyń ókilderi tartyldy.
"Bul tájirıbe óziniń oń nátıjesin berdi dep oılaımyz. Sáıkesinshe, olardyń nátıjeleri joıylyp, aǵymdaǵy jyly testileýge qatysý múmkindiginen aıyryldy", dedi ol.
UBT-nyń birinshi kúniniń qorytyndysy boıynsha:
- Shektik baldy jınaǵandar – 4222 (68,3%)
- Shektik baldy jınaı almaǵandar – 1964 (31,7%)
- 130 baldan joǵary jınaǵandar sany - 39
- Apellıasııaǵa bergender sany boıynsha aqparat saǵat 13.00-den keıin qoljetimdi bolady, óıtkeni óńirlerde 21 maýsym kúngi nátıje boıynsha apellıasııaǵa ótinishiter qabyldaý saǵat 13.00-ge deıin júrgizilýde.
"Degenmen, bul nátıjelerdiń sońǵy qorytyndysy tamyz aıynda naqty bolatynyn atap ótkim keledi. О́ıtkeni qoldanystaǵy Erejelerge saı, barlyq beınejazbalar a.j. 25 tamyzyna deıin taldanyp, tyıym salynǵan zattardy qoldanǵan faktiler bolsa, testilenýshilerdiń baldary joıylatyn bolady, tipti bilim berý grantyn taǵaıyndaý konkýrsynyń nátıjeleri de joıylýy múmkin", dep atap ótti N. Dıdarbekova.
