Bul ótken jylmen salystyrǵanda 30 myń tonnaǵa artyq. Sondaı-aq mamandar astyqtyń túsimdiligi gektarynan 21 sentnerden bolatynyn aıtýda.
Oblys ákimi О́mirzaq Shókeev "Túrkistan Agro HHI" JShS-iń alqabynda jańbyrlatyp sýǵarý tehnologııasymen egilgen kúzdik bıdaıdy orý naýqanyna qatysty. Sondaı-aq, oblys ákimi aýdandyq ardagerler keńesteriniń tóraǵalarymen jáne máslıhat depýtattarymen birge Qazyǵurt aýdanynda egistik alqaptardy aralap, astyq orý naýqanynyń barysyn baqylady. Aldymen Q. Ábdalıev aýyl okrýgindegi "Tileýberdi" sharýa qojalyǵynda bolyp, alqapta jaıqalǵan eginge oń baǵasyn berdi. Jıyrma jyldan astam ýaqyt boıy egin sharýashylyǵymen aınalysyp kele jatqan sharýa qojalyǵynyń 1500 gektar jerge jýyq alqabynda bıdaı, arpa, maqsary men jońyshqa egilgen. 7 dana astyq orý kombaıny men 15 sharýa tynymsyz eńbektenýde. Byltyr astyqtyń ár gektarynan 20 sentner egin alynǵan bolsa, bıyl odan joǵary ónim alý josparlanyp otyr.
"Astyq qorynyń mol bolýy asa mańyzdy. Halyqty óz ónimimizben qamtamasyz etýimiz qajet. Sol sebepti aıanbaı eńbek etińizder. Aýdanda aýyl sharýashylyǵyn qarqyndy damytýǵa barynsha qoldaý kórsetiledi", - dedi oblys ákimi.
Jalpy, Qazyǵurt aýdanynda sharýalar 44 myń 221 gektarǵa egin ekken.
Túrkistan oblysy
