Gospıtal Maıqudyqtaǵy №1 qalalyq aýrýhana bazasynda jabdyqtalady. Eske salsaq, búgingi kúnde Qaraǵandyda eki pýlmoprovızorlyq gospıtal jumys istep tur.
"Qazir oblystaǵy aýrýhanalar 70% naýqastarǵa toly. Qosymsha oryndar bar, biraq sońǵy aptada juqtyrǵandardyń sany kúrt ósti. Eger buryn táýligine ortasha eseppen 50 adamnan aýrýhanaǵa jatqyzylsa, qazir bul kórsetkish 70-ten joǵary. Sondyqtan, taǵy bir aýrýhana jabdyqtaý qajettigi týyndady", – dep túsindirdi Erjan Nurlybaev.
О́kinishke qaraı, búgingi tańda indettiń aýyr aǵymy bar pasıentterdiń sany óse túsken. Qazirdiń ózinde jan saqtaý bóliminde 29 adam jatyr. Olardyń toǵyzy ókpeni jasandy jeldetý (О́JJ) apparattaryna qosylǵan. Erekshe baqylaýda jatqandardyń kópshiligi qarııalar jáne egde jastaǵy adamdar.
Osynyń barlyǵy, ıaǵnı aýrý sanynyń kúrt ósýi adamdardyń medısınalyq kómekke der kezinde júginbeýiniń saldarynan bolyp otyrǵanyn qynjyla jetkizdi oblystyń bas dárigeri.
"О́kinishke qaraı, adamdar óz betimen emdelýge tyrysady. Men barlyq turǵyndardy jedel respıratorlyq vırýstyq ınfeksııanyń alǵashqy belgileri paıda bolǵan bette dárigerge júginýge shaqyramyn. Áleýmettik jelilerde "KVI naýqastaryna sıstema qoımaıdy, ıneksııa salmaıdy, sondyqtan olardy stasıonarlarda durys emdemeıdi", degen pikirler aıtylýda. Biraq, koronavırýs ınfeksııasy kezinde kóktamyr arqyly dári jiberý ókpeniń isinýine jáne basqa da aýyr zardaptarǵa ákelýi múmkin. Sondyqtan, emdelýshiniń jaǵdaıy ázirge tabletka túrindegi dári-dármektermen emdeýge múmkindik berse, biz osy ádisti qoldanamyz", – dep mán-jaıǵa túsinik berdi Erjan Nurlybaev.
Kóńil kónshitpeıtin taǵy bir jańalyq, sońǵy aptada jedel járdemge kelip túsetin shaqyrýlardyń sany 20%-ǵa artqan. Medısınalyq qyzmettiń bul túrine júktemeni azaıtý úshin jedel respıratorlyq vırýstyq ınfeksııanyń (JRVI) belgileri bar adamdarǵa emhanalardan arnaıy brıgadalar shyǵady. Bul maqsatqa dep olardyń ıeligine ýaqytsha 20-ǵa jýyq avtokólik berilgen.
Sońǵy málimetterge súıensek, Qaraǵandy oblysynda COVID-19 indetin juqtyrǵan 1 897 naýqas resmı túrde tirkelgen. Onyń ishinde 864 adam "jaman tumaýdy" jeńip, aýrýhanadan jazylyp shyqty.
Qaraǵandy oblysy
