Oblystyq qoǵamdyq densaýlyq basqarmasy basshysynyń orynbasary Nurhan Narymbetova málim etkendeı, koronavırýs indetine uqsas belgileri bar aýrýǵa shaldyqqandardy qabyldaıtyn qosymsha 885 adamǵa arnalǵan orynda búginde 962 adam em-dom qabyldaýda. Olardyń basym kópshiliginde koronavırýs derti anyqtalmaǵan. Iаǵnı pnevmonııa, JRVI sekildi detke shaldyqqandar. Sondaı-aq, Túrkistan oblysynda 124 jedel járdem brıgadasy kúndiz-túni toqtaýsyz jumys isteýde.
Aıta keteıik, ótken jyldyń bes aıynda oblysta ókpe qabyný dertimen 9735 adam naýqastanyp, jazylyp shyqqan. Bıyldyń 5 aıynda 7749 naýqas ókpe qabynýy dıagnozymen aýrýhanaǵa jatqyzylyp, olardyń bári tegis aýrýynan tolyq aıyqqan. Al 22 maýsymǵa deıingi derek boıynsha osy dertpen em qabyldaǵan 461 naýqastyń 423-i emdelip shyqqan.
