Esep jylyna eki ret shyǵarylady. Fýgaký − Japondyq fızıko-hımııalyq zertteýler ınstıtýtynyń RIKEN jáne Fujitsu-dyń birlesken jobasy. Atalǵan joba ınstıtýttyń ǵylymı-zertteý ortalyǵynda qurastyrylǵan. Bir sekýndta 415,5 kvadrıllıon operasııa jasaıdy. О́tken jyldyń qarasha aıynda sekýndyna 148,6 kvadrıllıon operasııa kórsetkishimen reıtıngtiń birinshi qataryn ıelengen Summit sýperkompıýterinen úsh ese kóp.
Fýgaký jyldamdyq kórsetkishterinen basqa kompıýterlik modeldeýde jáne prosesti modeldeýde qoldanylatyn málimetterdi sanaý ádisi sanatynda birinshi orynǵa ıe boldy. Sondaı-aq jasandy ıntellekttiń ózdiginen bilim alý qabileti kategorııasynda jáne derekterdiń úlken kólemin esepteý jáne taldaý salasynda joǵary nátıje kórsetti. Osy ýaqytqa deıin álemdegi birde-bir kompıýter alty nomınasııanyń tórteýi boıynsha birinshi orynǵa ıe bolyp kórmepti.
Japondyq sýperkompıýter reıtıngte 9 jyl ishinde alǵashqy bolyp óziniń RIKEN-de ornalasqan Kay kompıýterinen keıin birinshi boldy. Ekinshi jáne úshinshi oryndardy AQSh-tyń sýperkompıýterleri, 4 jáne 5-oryndy Qytaıdyń sýperkompıýterleri ıelendi.
