Aımaqtar • 23 Maýsym, 2020

Kásibine adal azamat

401 ret kórsetildi

Búginde Jambyl aýdandyq polısııa basqarmasy jergilikti polısııa qyzmetiniń jergilikti polısııa ınspektory bolyp qyzmet atqaratyn polısııa aǵa leıtenanty Erjan Seksenbaev ishki ister salasynda 2015 jyldan beri qyzmet atqaryp keledi, dep jazady Egemen.kz

Áýeli Ulttyq qaýipsizdik komıteti Shekara qyzmetinde serjant bolyp istegen. Bala kúninen quqyq qorǵaý salasyna qyzyǵýshylyq tanytqan Erjan osydan bes jyl buryn ishki ister organdaryna qyzmet aýystyrady. Qazirgi kezde ol Jambyl aýdany, Qaratóbe aýyldyq okrýgine jaýapty maman. Sol aýyldyń tártibi men tynyshtyǵy sonyń moınynda. Turǵyndardyń qaýipsizdigin qamtamasyz etýdi óziniń azamattyq boryshy sanaǵan jas polıseı búginde jemisti jumys atqaryp júr.

Erjan Seksenbaev oryn alǵan aýyr, asa aýyr qylmystardyń izin sýytpaı ashý kezinde de óziniń biliktiligin kórsete bilgen azamat. О́tken jyly oblystyń Jambyl jáne Jýaly aýdandarynyń shekteser tusyndaǵy «Kúıik» taý bókterinde adam ólimi bolǵan edi. Qandy oqıǵanyń sońyna túsken qyraǵy polıseı kóp uzamaı qaraqshyny qolǵa túsirgen. «Atalǵan taý bókterindegi sheńgel arasyn aralap, kúdiktini izin torýyldap júrip ustadyq. Árıne, mundaıda ómirimizge qaýip tónetin kezder bolady», deıdi ol. Sonymen qatar, joǵalyp ketken áıel azamatty kún-tún demeı izdestirip, aqyry aman-esen taýyp, jaqyndarymen qaýyshtyrǵan azamattyǵy da aýyldyqtardyń esinde. Jalpy alǵanda, el ishi máselesiz bolmaıdy. Urlyq, tóbeles, ishimdik ishý jáne taǵy da basqa san túrli qylmys pen keleńsizdiktiń aldyn alý da ońaı sharýa emes. Mundaı jaǵdaılar kóbinde turǵyndardyń da ishki mádenıetiniń tómendiginen de bolady. Al, osyndaı jaǵdaılardyń bárine jaýap berý jalǵyz adam úshin ońaı bolmasy anyq. Sonymen qatar, Qaratóbe aýyly búginde jańa qurylys alańyna aınalǵandyqtan, munda páter urlyǵy da kóp eken. «Bul – qazirgi kezdegi negizgi másele. Kóptegen jaǵdaıda jergilikti turǵyndar bir jaqqa shyqqan kezinde úılerin de, zattaryn da qaraýsyz tastap ketedi. Sodan keıin árıne urlyq bolady. Biz aýyl turǵyndaryna osy másele tóńireginde jıi túsindirý jumystaryn júrgizemiz. Odan soń, búgingi tańdaǵy taǵy bir ózekti másele – otbasylyq janjaldyń kóbeıip bara jatqandyǵy. Bizge otbasylyq janjal máselesi tóńireginde shaqyrtý kóp túsedi», deıdi Erjan Seksenbaev.

Árıne, tártip saqshysynyń mindeti – qoǵamdyq tártipti qadaǵalaý, qylmysty meılinshe boldyrmaý, bolmasa onyń aldyn alý. Bul rette tańerteń úıinen shyǵyp, túnniń bir ýaǵynda ǵana úıine oralatyn Erjan Seksenbaev ózine artylǵan osynaý mindetti jete túsinetinin aıtady. Onyń aıtýynsha, jastar urlyq, ishimdik ishý, tóbelesý sııaqty túrli deńgeıdegi qylmystardan osy kezden bastap aýlaq bolýy kerek. Sol úshin kún saıyn Qaratóbe aýylynda túngi saǵat on birden keıin jasóspirimder arasynda reıd júrgiziledi eken. "Búginde aýyl jastarynyń tártibi jaqsy. Eger kóshede túnde balalardy kórip qalsaq, olardyń ata-analaryna da, ózderine de eskertý jasaımyz. Sebebi, balanyń bolashaǵy búginimen tikeleı baılanysty", deıdi ol.

Búginde Jambyl aýdanynyń Qaratóbe aýylynda polısııa ınspektory bolyp qyzmet atqaryp júrgen Erjan Seksenbaev Jambyl oblysynyń Sarysý aýdany, Igilik aýylynda dúnıege kelipti. Alaıda, jumys babymen Jambyl aýdanyna qonys aýdarǵan. Aǵa leıtenant búginde memlekettiń ishki ister salasynyń qyzmetkerlerine tıisti qoldaý kórsetip otyrǵanyn da jetkizdi. Ol otbasymen memlekettiń jeńildiginiń nátıjesinde, Taraz qalasynan páter de alǵan eken. Endi ol ózi sııaqty jas otbasylarǵa, mamandarǵa tıisti múmkindigin jasap otyrǵan memleketke adal qyzmet etýdi basty mindetim dep sanaıdy. О́ziniń temirdeı tártibimen, júıeli jumysymen kózge túsken Erjan Seksenbaev óńirdegi ishki ister salasyndaǵy basshylardan da laıyqty marapattaryn alypty. Sondyqtan búginde bir ul, bir qyz tárbıelep otyrǵan polıseı elimizde eshqashan tártipsizdik pen quqyqbuzýshylyq bolmasa eken dep tileıdi. Ári ózi de turǵyndardy tynyshtyqqa, tatýlyqqa shaqyryp júredi eken.

 

Jambyl oblysy

Sońǵy jańalyqtar

Qıly-qıly taǵdyrlar

Tarıh • Keshe

Tozaqtan ótse de túńilmegen

Rýhanııat • Keshe

Radıst qazaq qyzdary

Tarıh • Keshe

Qarsy barlaýshylar qaharmandyǵy

Rýhanııat • Keshe

Maıdangerdiń ónegeli joly

Rýhanııat • Keshe

Turlaýy qıyn taǵdyrlar

Tarıh • Keshe

Bar úmitimiz Almat Kebisbaevta

Sport • 08 Mamyr, 2021

Bir shańyraqtan – úsh maıdanger

Rýhanııat • 08 Mamyr, 2021

Jetpis jeti jyldan keıin kelgen marapat

Aımaqtar • 08 Mamyr, 2021

Taraz qalasynda 20 soǵys ardageri bar

Aımaqtar • 08 Mamyr, 2021

Qazaqstannyń 7 óńiri «qyzyl aımaqta» tur

Koronavırýs • 08 Mamyr, 2021

Qazaq degenimiz – Baýyrjan...

Rýhanııat • 08 Mamyr, 2021

505-shi túrmeniń tutqyndary

Tarıh • 08 Mamyr, 2021

Áskerı ınjenerler ustahanasy

Oqıǵa • 07 Mamyr, 2021

Boryshymdy abyroımen ótesem deımin

Rýhanııat • 07 Mamyr, 2021

Ardagerler azaıyp bara jatyr...

Qazaqstan • 07 Mamyr, 2021

Uqsas jańalyqtar