Aımaqtar • 23 Maýsym, 2020

Almatyda jaǵdaıy aýyr naýqastar kóbeıip jatyr - Bas dáriger

482 ret kórsetildi

Búgin Almaty qalasy Qoǵamdyq densaýlyq basqarmasynyń basshysy Kamaljan Nadyrov onlaın brıfıngte qaladaǵy epıdemıologııalyq jaǵdaı týraly jan-jaqty baıandap, jýrnalısterdiń saýaldaryna jaýap berdi, - dep jazady Egemen.kz

Epıdemııa bastalǵaly beri Almatyda jalpy 3429 jaǵdaı tirkeldi. 2177 adam saýyǵyp, emdeýden shyǵaryldy. 20 pasıent qaıtys boldy. Búgingi kúni qala stasıonarlarynda 1388 pasıent emdelip jatyr. Naýqastardyń jaǵdaıyna keler bolsaq, 20 adamnyń jaǵdaıy óte aýyr, 150 adamnyń hali nashar, qalǵandarynyń jaǵdaıy qanaǵattanarlyq.

"Biz jaǵdaıy aýyr pasıentter sanynyń kóbeıý sebebin taldap, bul qant dıabeti, AG, JIA jáne basqa daqosymsha aýrýlary bar pasıentter sanynyń kóbeıýimen baılanysty degen qorytyndyǵa keldik. Sondaı-aq, aýrýdyń aýyrlyǵy men pasıentterdiń jasy arasyndaǵy baılanys anyq baıqalady, ıaǵnı jaı-kúıi aýyr jáne óte aýyr pasıentter arasynda 80%-dan astamyn 60 jastan asqan adamdar quraıdy. Aýrýshańdyqty taldaý 20-29 jas aralyǵyndaǵy jastardyń eń jıi juqtyratynyn kórsetedi – 35% juqtyrǵandar, 60 jastan asqan adamdar – 8,8%", deıdi Almaty qalasy Qoǵamdyq densaýlyq basqarmasynyń basshysy.

Jalpy dınamıkada jaǵdaıy aýyr jáne óte aýyr dárejedegi pasıentterdiń kóbeıýi baıqalady.

Kamaljan Nadyrov stasıonarlyq deńgeıdegi jumystarǵa qatysty: "Maýsym aıynyń basynan beri stasıonarlarǵa jalpy 2132 pasıent kelip tústi, 646 adam emdeýden shyǵaryldy, testileýdiń teris nátıjesin áli almaǵan, biraq emdelýde turaqty, oń ózgeris baıqalatyn jáne qanaǵattanarlyq jaǵdaıdaǵy 494 adam ambýlatorııalyq emdeýge aýystyryldy", dedi.

Búgingi kúni О́JJ apparatyna 10, ókpeniń ınvazıvti emes jasandy jeldetýde – 16 pasıent qosylyp jatyr, bos apparat – 23.

 

 

 

ALMATY

Uqsas jańalyqtar