«Halyq alǵysy» (Indet kezindegi izgilik ıelerine jańa memlekettik marapat tapsyryldy)

zmet etip júrgen azamattarǵa erekshe qurmet kórsetilip, osynaý syn saǵatta eldi birlikke shaqyrǵan forýmda aldymen Prezıdent Qasym-Jomart Toqaev sóz bastady.

– Búginde álemdegi barlyq elder, sonyń ishinde Qazaqstan da koronavırýs indetine qarsy kúres júrgizýde. Bul – árıne, óte aýqymdy ári kúrdeli jumys. Osyǵan oraı memleket tarapynan teńdessiz sharalar qabyldandy. Koronavırýspen kúresý úshin bıýdjetten qomaqty qarajat bólindi. Turmysy tómen otbasylarǵa azyq-túlik taratyldy. Shaǵyn jáne orta bıznes ókilderine birqatar jeńildik jasaldy. Elbasynyń bastamasymen qurylǵan «Birgemiz» qorynan da kólemdi qarjy bólinip, muqtaj jandarǵa naqty kómek berilip jatyr. Bul jumysty Nur Otan partııasy belsendi túrde júzege asyrýda. Osynyń bári birligimizdiń bekemdigin kórsetedi, – dedi Qasym-Jomart Toqaev.

Memleket basshysy bul asa juqpaly dert azamattarymyzdyń densaýlyǵy men ómirine qaýip tóndirip, halyqtyń ál-aýqatyna nuqsan keltirgenin aıta kele, eń aldymen, osy keselden qaıtys bolǵan adamdardyń týystary men jaqyndaryna kóńil aıtty, sondaı-aq vırýs juqtyrǵandardyń tezirek saýyǵyp ketýine tilektes ekenin bildirdi.

– Osyndaı kúrdeli kezeńde barsha jurt jaýapkershilik tanytýdyń qanshalyqty mańyzdy ekenin túsindi dep oılaımyn. Ár adam óziniń, týystary men jaqyn adamdarynyń densaýlyǵyna muqııat bolýy kerek. Bul – qazirgi zaman­nyń talaby. Indetti jeńý – árbir aza­mat­tyń óz qolynda. Bul, eń aldymen, qara­paıym qaǵıdany ustanýdan bastalady. Betperde taǵyp júrý, tazalyq saqtaý jáne áleýmettik qashyqtyqty ustaný – óte mańyzdy. О́ıtkeni bul sizdiń jáne ózge adamdardyń densaýlyǵy úshin asa qajet. Taǵy da qaıtalap aıtamyn: «Saq júrseń, saý júresiń», «Saqtyqta qorlyq joq». Sondyqtan azamattardy qorǵaý úshin biz barlyq qajetti sharalardy jedel túrde qolǵa aldyq jáne osy jumysty ári qaraı jalǵastyra beremiz, – dedi Prezıdent.

Onyń aıtýynsha, aýyzbirlik, sabyr­lyq, janashyrlyq – halqymyzdyń dástúr­li qundylyqtary. Dál osy qasıet­ter bizge tarıhtaǵy eń qıyn synaqtardy eń­serýge septigin tıgizdi. El basyna tús­ken qandaı qıyndyqqa bolsyn qarsy turar birligimiz kúsheıip keledi. «Biz birgemiz» – bul bizdiń qoǵamnyń jańa urany. Osy rette Memleket basshysy medısına jáne polısııa qyzmetkerlerine, áskerı jáne memlekettik qyzmetshilerge, volonterler men jýrnalısterge, sondaı-aq qaıyrymdylyq jasaǵan adamdarǵa rızashylyq bildirdi.

– Dárigerler, medbıkeler, sanıtarlar men jedel járdem qyzmetkerleri! Epı­demııamen kúreste eń aýyr jumys siz­der­ge júkteldi. Sizder kún saıyn bú­kil elge erik-jigerdiń, qaısarlyqtyń, ba­tyl­­dyqtyń eren úlgisin kórsetip kele­siz­der. Biz budan naǵyz patrıotızmdi kóre­­miz. Asa qıyn jaǵdaılarda erlikke tán áreket jasaıtyndaryńyzdy bile­min. Pandemııanyń qaıta órship, aýqy­my keńeıe túsken kezde sizder qor­ǵa­­­­nys kıim­deriniń, qajetti dári-dár­mek­­­­­ter­­diń, naýqastarǵa arnalǵan oryn­dar­dyń jetispeýshiligi jáne basqa da qıyn­dyq­tarmen betpe-bet kelip otyrsyzdar. Biz bul problemalardy jaqyn arada sheshemiz. Atalǵan jaǵdaıdy shu­ǵyl retke keltirý úshin Úkimetke naq­ty tapsyrma berildi, – dedi Qasym-Jomart Toqaev.

Memleket basshysy Qazaqstandaǵy árbir 100 myń adamǵa shaqqanda 80-nen asa azamattyń dertke shaldyqqanyn jáne munyń álemdik statıstıka bo­ıynsha ortasha kórsetkish ekenin aıtty. Naýqastar sapaly em qabyldap jatyr. Bir top medısına qyzmetkeri jankeshti eńbekteri úshin memlekettik orden-medaldarmen marapattaldy.

Sonymen qatar Qasym-Jomart Toqaev eldegi tártip saqshylaryna asa mańyzdy mindet júktelip otyrǵanyn aıtyp, quqyq qorǵaý organdarynyń jumysyn da joǵary baǵalady.

– Qoǵamdaǵy turaqtylyq pen tynysh­tyq polısııanyń minsiz qyzmeti­ne baılanysty. Búginde karantın sharalarynyń saqtalýyn qadaǵalap, beketterde qyzmet etip kelesizder. Bul ońaı jumys emes. Tipti, qoǵam ókilderi tarapynan synǵa ushy­raǵan kezderińiz de boldy. Árıne, kási­bı turǵydan biliksizdik tanytqan polı­sııa qyzmetkerleri de joq emes. Osyn­daı jekelegen jaǵdaılar búkil quqyq qorǵaý organdarynyń bedeline zııan keltiredi. Degenmen tártip saqshy­lary­nyń basym bóligi – adal qyzmet etip jatqan azamattar. Muny eshkim joqqa shyǵara almaıdy. Osy rette, Ishki ister organdarynyń barlyq qyzmet­kerlerin kásibı merekelerimen – Polı­sııa kúnimen shyn júrekten quttyq­taımyn, – dedi Memleket basshysy.

Prezıdent memlekettik qyzmetshi­lerdi jáne aq halatty abzal jandardy da tól merekelerimen quttyqtap, Otan al­dyn­daǵy sertke berik bolǵandary úshin bar­shasyna alǵys jaýdyrdy. Sondaı-aq ol bul qatarda áskerı qyzmetkerler, erik­tiler, memlekettik qyzmetshiler, qaıy­rym­­dy­lyq uıymdarynyń ókilderi, jýr­nalı­s­ter jáne basqa da belsendi azamat­tary­­myz zor qurmetke laıyq ekenin, bar­lyǵy beıbit kúnniń batyrlary ekenin atap ótti.

Memleket basshysynyń aıtýynsha, Tótenshe jaǵdaı rejimin toqtatqannan keıin azamattarymyz bosańsyp ketken, qaýip-qaterdi elemegen, medısınalyq tártip pen eskertýlerdi saqtamaǵan, tipti, keıbir adamdar mundaı aýrý joq degen qaýesetke sengen. Sondyqtan Úkimet karantın sharalaryn qaıta kúsheıtti. Biraq bul kóńil kúıdi túsirip, saryýaıymǵa sa­lynýǵa sebep emes. Qasym-Jomart Toqaev elimiz tolyqqandy, qalypty tirshiligin jalǵastyra berý kerek dep sanaıdy.

– Búkil álemdegi adamdar karantın kezinde otbasylarymen aradaǵy qarym-qatynasty qalaı bekite túskeni, balalaryna kóp kóńil bólip, olardyń problemalary men alańdaýshylyǵyna ýaqyt arnaǵany týraly óz tájirıbelerimen bólisýde. Sýretshiler, mýzykanttar, aqyn-jazýshylar karantın ýaqytynda shyǵarmashylyqpen ónimdi aınalysqan­daryn aıtýda. Iаǵnı árbir qıyndyqtyń óz qaıyry bolady. Árbir daǵdarys jańa múmkindikterge jol ashady. Biz bul daǵ­darysty birlese otyryp min­detti túrde jeńemiz, odan rýhymyzdy shyń­dap, dú­nıege degen kózqarasymyzdy óz­ger­tip shyǵamyz, – dedi Prezıdent.

Memleket basshysy Qasym-Jomart Toqaev «BIZ BIRGEMIZ» atty jal­py­ulttyq onlaın forýmy aıasynda koro­navırýsqa qarsy kúreste aldyńǵy shepte júrip, erlik kórsetken birqatar azamatqa «Halyq alǵysy» arnaýly medalin tap­­syrý­dy uıǵardy. Bul – osyndaı qıyn-qystaý ýaqytta aıanbaı eńbek etken aza­mat­­tarǵa arnalǵan jańa memlekettik marapat.

Sonymen qatar Prezıdent elordada pandemııamen kúrestegi azamat­tary­myzdyń erligin máńgi este saqtaý úshin eskertkish ornatylatynyn aıtty.

Budan keıin onlaın forýmdy elimiz­diń óńirlerinen tamashalap otyrǵan beıbit kúnniń batyrlary da sóz alyp, birligimiz bekem bolsa, bul báleketti de jeńetinimizge sendirdi. Aldymen Nur-Sultan qalasynan Ulttyq ǵylymı kardıohırýrgııa ortalyǵy kardıohırýrgııa bóliminiń meńgerýshisi Tımýr Lesbekov ortaǵa shyqty.

– Kardıohırýrgııada 15 jyl jumys istep júrip, men kóptegen jaqsylyq, baqyt­ty sátterdi kórdim, biraq ókinish­ke qaraı, qaıǵyly sátterge de kýá bol­dym. Alaıda búgingi tańda osy pande­mııa­nyń qorqynyshty jaǵdaıyn kózben kórip, sezingenimiz ómir boıy óshpes iz qaldyrdy. О́kinishtisi, bul koronavırýs jas-kári demeı, bárine zardabyn tıgizip jatyr. Búgin tańerteń óz áriptesime jansaqtaý júıesin ornattym. Bul – óte qorqynyshty. Maǵan senińiz, biz únemi jumysta bolyp, otbasymyzdy kór­meı­tinimiz úshin alańdaýdan bu­ryn, bul vırýstyń shekarany bilmeı­tinen qorqamyz. Baqytymyzǵa oraı, naýqas­tardyń kórer jaryǵy bar nemese úmit­siz dep bólip jatqan joqpyz. Bar­ly­ǵyn birdeı emdeýge tyrysýdamyz. Korona­vırýspen kúres arqyly edáýir tájirıbe men qural-jabdyqtar jınaq­taldy jáne eń bastysy, vırýsty jeńý múmkindigi bar. Munda bir ǵana dári­ger­lerdiń eńbegi jetkiliksiz. Tutas halyq­tyń birigýi mańyzdy. Korona­vırýs­pen kúres – ár adamnyń mindeti. Osylaı ǵana qaterli aýrýdy jeńe alamyz, – dedi dáriger.

Sonymen qatar Petropavl qalasy­nan ýchaskelik polısııa ınspektory Sta­nıs­lav Olefırenko, Almaty qalasy­nan volon­ter Jánibek Sultanaı, «Habar 24» tele­arnasynyń Nur-Sul­tan qa­la­syndaǵy tilshisi Mark Brıýsh­ko, Tótenshe jaǵdaıǵa baılanysty shetel­degi oqýyn tastap, elge oralǵan Dıana Toqtarqyzy sóz sóıledi.

Onlaın forýmnyń negizgi alańynda Prezıdent Ákimshiligi Basshysynyń birinshi orynbasary Dáýren Abaev, Aqparat jáne qoǵamdyq damý mınıstri Aıda Balaeva, Densaýlyq saqtaý mı­nıstri­niń mindetin atqarýshy Alek­seı Soı, Ishki ister mınıstriniń orynb­asary Alekseı Kalaıchıdı jáne Mem­leket­tik qyzmet isteri agenttigiń tóraǵasy Anar Jaıylǵanova «Halyq alǵysy» meda­lin birqatar azamatqa tabystady. Olar – Ulttyq ǵylymı kardıohırýrgııa or­talyǵy bólimshesiniń basshysy Tımýr Lesbekov, «Nomad MMA» res­pýb­­­­lı­kalyq federasııasynyń prezı­denti Gadjı Gadjıev, Ulttyq volonter­ler jeli­siniń tóraǵasy Vera Kım, Meıi­rim­­di­ler klýbynyń jetekshisi Gúl­­mıra Ábdi­rasheva, mesenat, qoǵam qaırat­keri Oralbek Botbaı, Bıologııalyq qaýip­siz­dik máseleleri ǵylymı-zertteý ınstıtýtynyń bas dırektory Kúnsulý Zakarııa, Bas áskerı klınıkalyq gospıtaldiń neırohırýrg dárigeri Erjan Rysqalıev, Nur-Sultan qalasy Polısııa departamentiniń ınspektory Artýr Botabekov, elordalyq volonter Abzalbek Sultanbek, ǵalym, kásipker Ámir Qýat jáne «Jas Otan» jas­tar qanatynyń sarapshysy Aıan Hafız.

Buǵan qosa dál osy ýaqytta elimizdiń basqa óńirlerindegi azamattar da qatar marapattaldy. Jalpy, pandemııamen kúreste eleýli eńbek etip, jemisti ju­mys istegeni úshin respýblıka boıynsha túrli salanyń 343 mamany alǵysqa bóle­nip, arnaýly medaldy keýdesinde jar­qyrat­ty. Olardyń arasynda 60 dáriger, 39 po­lıseı, 30 áskerı qyzmetshi, 41 volonter, 34 mesenat, 38 mádenıet jáne bilim ókil­deri, 25 BAQ qyzmetkeri bar.