Sýretterdi túsirgen – Erlan OMAR, «EQ»
Aıda Balaeva búginde týrızm jumyspen qamtýǵa, shaǵyn jáne orta bıznestiń damýyna, ınvestısııa tartýǵa, qyzmet kórsetý sapasyna jáne eldiń halyqaralyq ımıdjine yqpal etetin strategııalyq mańyzdy salalardyń birine aınalǵanyn atap ótti. 2024 jyly Qazaqstanǵa 15,3 mln adam kelgen, al ishki týrıster sany 10,5 mln adamdy qurady. Bul byltyrmen salystyrǵanda 900 myń adamǵa kóp. Mundaı kórsetkishter týrızm ekonomıkanyń naqty ósim núktesine jáne eldi halyqaralyq deńgeıde tanytýdyń mańyzdy quraldarynyń birine aınalǵanyn kórsetedi.
Almaty jyl boıy jumys isteıtin taý týrızmi ortalyǵyna aınalmaq
Sońǵy jyldary tabıǵı, ekologııalyq jáne taý týrızmi erekshe qyzyǵýshylyq týdyryp otyr. Tek 2024 jyly ǵana Qazaqstannyń ulttyq parkterine 2,8 mln adam keldi, bul 2023 jylmen salystyrǵanda 18%-ǵa artyq.
«Eger buryn mundaı demalysty arnaıy týrıster men taý shańǵysy áýesqoılary jıi tańdaıtyn bolsa, búginde tabıǵı aýmaqtar jappaı baratyn orynǵa aınalady. Adamdar ol jerge demalys kúnderi jaıaý júrý úshin, belsendi demalys jáne tabıǵat aıasyna qysqa ýaqytqa shyǵyp qaıtý úshin barady», dep atap ótti Aıda Balaeva.
Almaty taý klasteriniń áleýeti joǵary: Halyqaralyq mamandar pikiri bir arnada toǵysty
