Foto: gorny-club.kz
Týrızm – ekonomıka, mádenıet, qaýipsizdik jáne bıznes ushtasqan keshendi sala. Sondyqtan taý shańǵysy týrızmin damytý Almaty taý klasterine qatysty jańa tásil men zamanaýı kózqarasty qajet etedi.
«Memleket basshysy Qasym-Jomart Toqaev týrızm – ekonomıka, mádenıet, qaýipsizdik pen bıznesti biriktiretin kúrdeli sala ekenin erekshe atap ótti. Shańǵy týrızmin damytý týraly aıta kele, Prezıdent Almaty taý klasteri úshin jańa kózqarastyń qajet ekenin aıtty. Dál osy turǵydan alǵanda Almaty Superski jobasyn qarastyrý qajet. Bul jeke ınfraqurylymdy salý máselesi ǵana emes. Bul jerde Almatynyń bolashaǵy, Qazaqstannyń barlyq týrıstik salasynyń damýy, taýlardyń azamattar úshin qoljetimdiligi, adamdardyń qaýipsizdigi jáne Ile Alataýynyń biregeı tabıǵatyna jaýapkershilikpen qaraý týraly áńgime bolyp otyr», dep atap ótti mınıstr.
Aıda Balaeva: Almaty Superski taýdaǵy týrızmdi damytýdyń úlgisine aınalýǵa tıis
Osy turǵydan alǵanda, Almaty Superski jobasyn Almatyǵa arnalǵan ınfraqurylymdyq bastama retinde ǵana emes, eldiń tutas týrıstik salasynyń damýyna yqpal etetin joba retinde qarastyrý qajet. Osyǵan baılanysty Almaty Superski jobasyn jekelegen ınfraqurylym nysanynyń qurylysy retinde emes, Almaty qalasyn jáne tutastaı Qazaqstannyń týrıstik salasyn damytýǵa baǵyttalǵan aýqymdy jobanyń bir bóligi retinde qarastyrý qajet.
«Búginde damý men ekologııany bir-birine qarsy qoıý durys emes. Jaýapty memleket tabıǵatty qorǵaýdy, qajetti ınfraqurylym qalyptastyrýdy, adamdardyń qaýipsizdigin qamtamasyz etýdi jáne azamattarǵa jańa múmkindik ashýdy qatar alyp júrýi tıis. Almaty Superski jobasy Qazaqstannyń biregeı tabıǵı áleýetin qoǵamnyń, eldiń jáne bolashaq urpaqtyń ıgiligi úshin qaýipsiz ári jaýapty túrde paıdalana alatynyn kórsetetin úlgige aınalýy tıis», dedi Aıda Balaeva.
Aıda Balaeva zamanaýı ınfraqurylym erejeler, lımıtter, tıimdi josparlanǵan baǵyttar, ekologııalyq monıtorıng jáne ekologııalyq mádenıet arqyly tabıǵatqa túsetin júktemeni azaıtýǵa tıis ekenin aıtty.
Sondaı-aq Kókjaılaý jerleri Ile Alataýy memlekettik ulttyq tabıǵı parki quramynan shyǵarylmaıtynyn jáne erekshe qorǵalatyn tabıǵı aýmaq mártebesin saqtaıtynyn jáne joba aıasynda jeke kottedjder men vıllalar salý qarastyrylmaǵanyn atap ótti. Joba ekologııalyq talaptardy qatań saqtaý, ǵylymı súıemeldeý, qoǵamdyq baqylaý jáne oryndaýshylardyń jeke jaýapkershiligimen ǵana iske asyrylady.
