Sharaǵa Qazaqstan Respýblıkasynyń Prezıdenti Qasym-Jomart Toqaev qatysty. Marapatqa bilim berý, densaýlyq saqtaý, áleýmettik qorǵaý salalarynda jemisti jumys jasap, koronavırýs pandemııasymen kúreste erekshe kózge túsken azamattar ıe boldy. "Búgin Biz Birgemiz jalpyulttyq onlaın-forýmy ótti. Memleket Basshysy Qasym-Jomart Kemeluly Toqaev bizdiń halqymyzǵa yntymaq, turaqtylyq jáne janashyrlyq sııaqty qundylyqtar tán ekenin atap ótti", – dep jazdy A. Kólginov óziniń Instagramdaǵy paraqshasynda. Ol Qazaqstan Prezıdentiniń atynan "Halyq alǵysy" medalimen koronavırýspen kúreste erekshe kózge túsken turǵyndar marapattalǵanyn atap ótti. "Dárigerlerimiz birneshe aı boıy kúndiz-túni jumys istedi. Olar ózderiniń qajyrly eńbegimen jáne kásibıligimen naýqastardyń ómirin saqtap, qıyn sátte janynda boldy. Polıseıler qaladaǵy qaýipsizdik pen tártipti qamtamasyz etip, turǵyndarmen túsindirý júrgizdi. Muǵalimder tótenshe jaǵdaı jáne karantın kezinde oqý formatyn qaıta qalyptastyryp, balalardy oqytty. Eriktiler, mesenattar jáne basqa da qala turǵyndary kún saıyn ınfeksııamen kúreste aldyńǵy qatarda júrdi. Barlyqtaryńyzǵa úlken alǵys bildiremiz. Vırýs áli bar ekenin este saqtaý kerek. Biraq birlesken kúsh-jigermen biz osy qıyn kezeńdi eńseremiz! #BizBirgemiz!", – dedi A.Kólginov.
