Bilim • 24 Maýsym, 2020

UBT-daǵy sybaılas jemqorlyqqa ata-ana jaýapty

47 ret kórsetildi

Antikor ortalygy alańynda "Antikor.Live" jobasy barysynda Sybaılas jemqorlyqqa qarsy is-qımyl agenttiginiń Nur-Sultan qalasy boıynsha departamenti basshysynyń birinshi orynbasary Jazıra Jylqyshıeva UBT kezinde sybaılas jemqorlyq áreketter úshin ata-analardyń jaýapkershiligi týraly aıtty.

21 maýsymda búkil respýblıka boıynsha mektep oqýshylary ómirindegi basty oqıǵalardyń biri - ulttyq biryńǵaı testileý bastaldy.

Bul testileýdiń sátti ótýiniń arqasynda túlekterdiń joǵary oqý oryndarynda ári qaraı aqyly nemese memlekettik granttyń negizinde tegin bilim alýy anyqtalady.

Testileýdiń ashyqtyǵy men obektıvtiligin qamtamasyz etý úshin Bilim jáne ǵylym mınıstrliginiń buıryǵymen elimizdiń barlyq aımaqtarynda jumys toby quryldy. Onyń quramyna arnaıy monıtorıng top, "Adaldyq alańy" jobalyq keńsesiniń ókilderi jáne Agenttik qyzmetkerleri kirdi.

Bul toptyń negizgi maqsaty testileýdiń "tazalyǵyn" baqylaý bolyp tabylady. Qandaı da bir sáıkessizdikter nemese testileýdi adalsyz tapsyrý jaǵdaılary anyqtalǵanda, olar bul týraly jaýapty tulǵalarǵa habarlaýǵa mindetti.

Qazir Agenttik áleýmettik jelilerde, WhatApp messendjerlerindegi ata-analar toptaryna monıtorıng uıymdastyrýda. Onyń nátıjesimen Ulttyq birynǵaı testileýden oń nátıjege qol jetkizýge járdem kórsetý boıynsha belgisiz azamattar anyqtalýda.

Osyǵan baılanysty Agenttik oqýshylardy tek óz bilimderine ǵana súıene otyryp, test tapsyrýǵa shaqyrady, al ata-analardy testileý qorytyndysy boıynsha oń baǵa alý maqsatynda para bergeni úshin qylmystyq jaýapkershilik jáne bas bostandyǵynan aıyrý kózdelgenin eskertedi.

Eger azamattar osyndaı jaǵdaıǵa tap bolsa, sybaılas jemqorlyqqa qarsy qyzmettiń 1424 call-ortalyǵyna nemese "Astana – adaldyq alańy" jobasynyń +7 775 160 5532 nómirine qońyraý shalý qajet.

Jalpy, Agenttik Bilim jáne ǵylym mınıstrligimen birlesip parasattylyq pen akademııalyq adaldyq ıdeologııasyn ilgeriletý boıynsha belsendi jumys júrgizýde.

Sonymen qatar Jazıra Jylqyshıeva elordada Nur-Sultan qalalyq Sybaılas jemqorlyqqa qarsy is-qımyl departamentiniń Arnaıy monıtorıngtik top pen "Astana – adaldyq alańy" jobasynyń músheleri Izmaılova Valentına Vasılevna, Arystanbaeva Svetlana Andreevna, Týgelbaev Jomart Maslıhatovıch, Ormanova Altynaı Asylbekovna, Magzým Arslanbek Talgatovıch, Jandıldaev Bakdaýlet Bolatovıch L.N. Gýmılev atyndaǵy Eýrazııa Ulttyq ýnıversıteti, S.Seıfýllın atyndaǵy Qazaq agrotehnıkalyq ýnıversıteti, Qazaq ekonomıka, qarjy jáne halyqaralyq saýda ýnıversıtetinde UBT-ǵa monıtorıng jumystaryna qatysqan.

Sonymen birge monıtorıng tobynyń músheleri beınebaqylaý kameralary arqyly test tapsyrý barysyn jiti qadaǵalap otyrdy. Tártip buzýshylyq oryn alǵan jaǵdaıda oqý oryndarynyń basshylaryna dereý habarlap otyr.

Sońǵy jańalyqtar

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar