Atalǵan joba sheńberinde búginde elimizdiń árbir óńirlerinde tıisti jumystar atqarylýda. Máselen, Jambyl oblysy, Sarysý aýdany boıynsha "Aýyl – el besigi" jobasy aıasynda Saýdakent jáne Jaıylma aýyldary tirek eldimekenderi retinde, al, Jańatalap, Uıym, Igilik, О́ndiris, Qyzyldıhan, Maıatas, Aqtam, Ábilda eldimekenderi spýtnıktik aýyldar retinde aıqyndalyp, iriktelip alynǵan. Aǵymdaǵy jyldyń bıýdjetine birinshi transhpen "Aqbota" balabaqshasynyń ǵımaratyn kúrdeli jóndeý jumystaryna 234,7 mıllıon teńge bólingen. Memlekettik satyp alý jumystary Jambyl oblystyq energetıka jáne turǵyn-úı kommýnaldyq sharýashylyq basqarmasy arqyly júrgizilgen. Búgingi tańda "Ernur" jaýapkershiligi shekteýli seriktestigi jeńimpaz atanyp, tıisti jumystar bastalyp ta ketti.
Respýblıkalyq bıýdjetti naqtylaý barysynda ekinshi transhpen Saýdakent eldimekenindegi 22 negizgi kósheniń jol jabyndylaryn jóndeýden ótkizý jumystaryna 334,3 mıllıon teńge bólingen. Onyń ishinde 4 kóshe jaryqtandyrylady. Sonymen qatar, Uıym aýylyndaǵy Ǵ.Muratbaev kóshesine orta jóndeý jumystaryn júrgizýge 13,3 mıllıon, al, Saýdakent aýylyndaǵy sport kesheniniń qurylysyna 260,9 mıllıon, Jańatalap aýylyndaǵy orta mekteptiń kúrdeli jóndeý jumystaryna 79,9 mıllıon teńge, barlyǵy 688,4 mıllıon teńge qarajat bólingen. Al, Sarysý aýdany ákimdiginiń málimetinshe, aldaǵy jyldary aýdandaǵy tirekti eldimekender men spýtnıktik aýyldarǵa da tıisti qarajat bólinetin bolady.
Jambyl oblysy
