Osy máselege oraı, Almaty qalalyq taýarlar men qyzmetterdiń sapasy men qaýipsizdigin baqylaý departamenti tómendegideı jaýap berdi.
"Qazirgi ýaqytta tótenshe jaǵdaı kezindegi shekteýler alynyp tastalǵandyqtan, Almaty qalasynda respıratorlyq vırýstyq ınfeksııanyń, atap aıtqanda, koronavırýstyq ınfeksııanyń ósýi baıqalady. Osyndaı jaǵdaıǵa jıi qoldanylatyn dárilik zattar men medısınalyq buıymdarǵa, termometrlerge suranys ósti. Bul rette, kóptegen azamattar áleýmettik jelilerdegi beıresmı keńestermen óz tanystarynyń keńesterine súıene otyryp, ózdikterinshe emdelý úshin dárilik zattar satyp ala bastady. Alaıda, qaladaǵy kóterme saýda kompanııalary men dárihanalarda júrgizgen monıtorıng boıynsha dárilik preparattar jetkilikti.
Búginde qaladaǵy dárihanalar men qoımalarda Parasetamoldyń (0,5 №10) 24 370 qoraby bar, sondaı-aq "Ińkár" jáne "Medservıs plıýs" dárilik zattar kompanııalaryna 450 000 qorap ákelinedi jáne olar kedendik tekserýden ótkizilýde. Jáne Panadol, Efferalgan, Ferveks, Koldreks, Kún/Túnsııaqty quramynda parasetamoly bar dárilik sany jetkilikti.
Asıklovır dárilik zatynyń vırýsqa qarsy uqsas túrleri – Ingoverın, Tamıflıý, Kagosel jetkilikti kólemde.
Ingoverın 90 dárisiniń 68 480 qoraby sertıfıkattan ótip jatyr jáne ol bıyl shilde aıynda satylymǵa túsedi.
Dene qyzýyn ólsheıtin qural týraly kóterme farmasevtıkalyq kompanııalarmen Qazaqstan Respýblıkasyna osy medısınalyq buıymdar jyldam jetkizýge kelissózder júrgizilýde. О́ndiriletin ónimderge daıyndaýshy elderde úlken suranys bolǵandyqtan (Reseı, Qytaı Halyq Respýblıkasy) jáne basqa da elderge shyǵarylatyndyqtan, kólemniń shektelýi kúrdelilik týǵyzýda.
Osy múmkindikti paıdalana otyryp, biz halyqty óz betinshe em-dommen aınalyspaýǵa, ásirese, kúshti antıbıotıkterdi dárigerdiń keńesinsiz paıdalanbaýǵa shaqyramyz. О́ıtkeni, saldary aýyr bolýy múmkin.Áleýmettik jelilerde paıda bolǵan jalǵan aqparattarǵa senbeýge shaqyramyz. Aýrýdyń aldyn alý maqsatynda qazirgi ýaqytta jetkilikti dárýmenderge baı ósimdikti tamaqtardy kóp ishý qajet", dedi Almaty qalalyq taýarlar men qyzmetterdiń sapasy men qaýipsizdigin baqylaý departamenti.
