Rýhanııat • 25 Maýsym, 2020

«QazAlliance» – izgilik jolyndaǵy uıym

180 ret kórsetildi

Jer-jahandy sharpyǵan indettiń betalysyna qaramastan, Qazaqstannyń sheteldegi qoǵamdyq birlestikteri belsendi jumys istep jatyr. Kórshiles Reseıdiń ózinde 60-qa jýyq qoǵamdyq birlestik tirkelse, álem boıynsha myńdaǵan qazaqstandyqtyń basyn biriktirip júrgeni qanshama. Solardyń biri «QazAlliance» uıymynyń týǵan jerden jy­raqta júrgen azamattarymyzdyń ıgiligine qyzmet etip júrgenine 5 jyl toldy.

Sheteldegi qazaqstandyqtar alıansy prezıdentiniń mindetin atqarýshy Álisher Tursynnyń aıtýynsha, uıymnyń irgetasy Ulybrıtanııanyń London qa­la­synda qalanǵan. Araǵa jyldar sa­lyp, atalǵan uıym álemniń 20-dan astam eline qanat qaqty. Qazirgi tańda she­teldegi qazaqstandyqtar alıansynyń Ja­ponııa, Koreıa Respýblıkasy, Sıngapýr, Malaızııa, Reseı, Qytaı, Mońǵolııa, Latvııa, Fınlıandııa, Belgııa, Shveısarııa, Ulybrıtanııa, Fransııa, Nıderland, Italııa, Ispanııa, Túrkııa, Birikken Arab Ámirlikteri, Izraıl, Kanada, AQSh syndy elderde atqarǵan jumystarynyń aýqymy keń desek te bolady.

Qazir uıymǵa jetekshilik jasap júr­gen ári Shveısarııadaǵy HTMI ýnı­ver­sıte­tiniń magıstranty Álisher Tur­syn­nyń aıtýynsha, alıans sheteldegi otan­das­ta­rymyzǵa bar múmkindiginshe qol­daý kórsetip keledi.

«Bes jyldan beri birneshe býyn aýy­syp, uıymda birqatar ózgeris oryn aldy. Uıym óz kezeginde toqyraý men sharyqtaý syndy kezeńderdi bastan ótkizdi. Men osy erikti qyzmetke 2018 jyldyń 10 jel­toqsanynda, sondaı bir kúrdeli kezeń­derdiń birinde keldim. Sodan beri áleýmettik jelilerde ártúrli elderde júrgen qazaqstandyqtardyń bir-birimen baılanysyp turýlaryna jaǵ­daı jasap, ókilderimizben birge otan­dastarymyzdyń túrli suraqtary bo­ıynsha tegin aqparattyq qoldaý kórsetip kelemiz», deıdi Á.Tursyn.

«QazAlliance» birlestigi joǵaryda atalǵan memleketterdiń elshilikterimen jáne sheteldegi birneshe otandyq uıym­men de tyǵyz jumys isteıdi. Sonyń ishinde «Dúnıe júzi qazaqtary», «IQanat», «Otandastar qory», «Kazakh tourism» jáne taǵy basqa uıymdarmen de tikeleı baılanysta. Birlestiktiń osy kezge deıin atqarǵan jumystary kóńilge jylylyq uıalatpaı qoımaıdy.

«Búginde qurylymdyq basqarý tetik­te­rine negizgi ózgerister engizip otyr­­myz. 7 baǵyt boıynsha arnaıy 7 or­­ta­lyq qu­­ryp, olarǵa jan-jaqty ári jaýap­ty otan­dastarymyzdy toptastyrý­da­myz. Ortalyqtarymyz týraly tolyq aq­parat­ty jýyrda resmı kazalliance.kz saıtymyzda kórsetetin bolamyz. Bıyldan bastap «QazAlliance» alys jáne jaqyn shetelderde jyl saıyn dástúrli túrde ótetin jáne dúnıe júzindegi barlyq dom­­­byrashylardy biriktiretin «World Dombyra Festival» atty jobany qolǵa alyp otyr. Dombyrany tanytý – qazaq pen Ota­nymyzdy tanytý. Maqsatymyz – Qa­­zaqstandaǵy jáne shetelderdegi otandastarymyzdy, ásirese óskeleń urpaqty dombyrany úırenýge shaqyrý, ulttyq aspabymyzdy dáripteý, – deıdi alıans pre­zı­dentiniń mindetin at­qarýshy Álisher Tursyn.

«QazAlliance» uıymy 2015 jyldan bas­tap Qazaqstanǵa ınvestorlardy tartýǵa baǵyttalǵan «Invest in Kazakhstan» jobasyn, jastardyń óz oıy men erkin pikir almasýyna múmkindik ashatyn dıalog alańy – «Sòile» jobasyn, Qazaq handyǵynyń 550 jyldyǵyna oraı qazaq kúresin dá­ripteýge baǵyttalǵan «Bolashaq barysy» halyqaralyq týrnırin, «Samuryq-Qazyna» UÁQ» AQ qoldaýymen HR ba­ǵytyndaǵy «Transformasııa» syndy jo­­balardy uıymdastyrǵan. Birlestik álem elderi úshin kúr­­deli ýaqytta jáne pandemııa kezinde she­tel­degi otandastarymyzdyń qamyn oı­lap, olardyń Qazaqstanǵa oralýlaryna birden-bir dáneker bolyp júr. Uıym basshysynan bastap, onyń árbir múshesi aqysyz, erikti qyzmet atqarady.

Qazir álemde jaǵdaı kúrdeli ekeni bel­gili. Osy oraıda sheteldegi qazaq­stan­dyq­tardyń qandaı shara qoldanyp, qalaı oq­shaýlanyp jatqany týraly da az-kem bildik.

«Qazirgi ýaqytta «Bolashaq» baǵdar­lamasymen Shveısarııada bilim alyp júrmin. Bul eldegi memlekettik júıe men tártip bizdegiden ózgeshe. Shveısarııa úkimeti 19 maýsymnan bas­tap karantın rejimin alyp tastaý týraly málimdeme jasady. Osyǵan sáıkes 22 maý­symnan áleýmettik qashyqtyq 2 metrden 1,5-ke deıin qysqardy. Sondaı-aq 1000 adamǵa deıin qatysatyn úlken jıyndarǵa qaıtadan ruqsat etilip jáne kez kelgen sherýlerge qatysý múm­kin boldy. Eń bas­tysy, narazylyq bildirýshi­ler qorǵanysh betperdelerdi taǵyp júrýi tıis», deıdi Álisher Tursyn.

Sońǵy jańalyqtar

Mektep oqýshysy mert boldy

Aımaqtar • Búgin, 13:16

Hattonnyń uly Attılany atynan túsirdi

Kásipqoı boks • Búgin, 10:35

Jekpe-jeksiz ótken alǵashqy jyl

Kásipqoı boks • Búgin, 09:08

«Dınamodan» jeńildi

Hokkeı • Búgin, 07:34

Kreatıvti kitap dúkeni

Aımaqtar • Búgin, 07:33

Janbota jarap tur

Sport • Búgin, 07:27

Aqyn tutynǵan kese

Tarıh • Búgin, 07:24

Jekpe-jek keıinge shegerildi

Boks • Búgin, 07:22

Bes belestiń bıigin baǵyndyrǵan...

Qoǵam • Búgin, 00:44

Uly Jambyl murasy ulyqtaldy

Rýhanııat • Búgin, 00:33

Uqsas jańalyqtar