Aımaqtar • 25 Maýsym, 2020

Mańǵystaý oblysynyń polıseıleri ıesiz arystandy ustap aldy

3853 ret
kórsetildi
1 mın
oqý úshin

Búgin tańǵy 5:30-da Mańǵystaý oblysy, Túpqaraǵan aýdany, Aqshuqyr aýylynyń mańynda polıseıler bostandyqta júrgen arystandy ustaǵan, dep habarlaıdy Egemen.kz

Mańǵystaý oblysynyń polıseıleri ıesiz arystandy ustap aldy

Polısııa departamenti men Mańǵystaý oblystyq orman jáne janýarlar dúnıesi aýmaqtyq ınspeksııasy jyrtqysh ańdy aýlaýda barynsha kúsh salǵan. Qazirgi tańda mamandar arystandy "Qoshqar ata" aımaǵynda baqylaýda ustap otyr.

Onyń jasy shamamen bir-bir jarymda, - deıdi mamandar. Túbi Afrıka qurlyǵynan sekildi. Sondaı-aq onyń adamdardan qoryqpaıtyny baıqalǵan. 

Leo SITES konvensııasynda (joıylyp bara jatqan jabaıy faýna men flora túrlerimen halyqaralyq saýda týraly konvensııa) kórsetilgen. Sondyqtan qazir arystannyń naqty ıesi kim ekendigi anyqtalyp, qujattardy teksergennen keıin taǵdyry sheshilmek.