Nur-Sultan ákimdiginiń biryńǵaı baılanys ortalyǵy – iKOMEK 109 qyzmetkerlerdi qabyldaý qorytyndysy boıynsha 15 adamdy jumysqa qabyldady. Qazirgi ýaqytta iriktelgen úmitkerler ortalyqta oqytylýda, oqý aıaqtalǵan soń qashyqtan jumys kestesine bólinedi.
"Arnaıy oqytylǵan ádisker kirispe sabaqtaryn ótkizedi. Derekter bazasynda qalanyń memlekettik basqarmalary men kommýnaldyq qyzmetteriniń jumysy týraly málimetter saqtalady: anyqtamalyq aqparat, kommýnaldyq qyzmetterdiń josparlanǵan jáne aldyn alý jumystary týraly derekter. 1800-den astam qyzmet boıynsha operator jaýapty birinshi qońyraýdan-aq bere alady", deıdi iKOMEK qalalyq ortalyǵynyń jetekshisi Jannat Dúbirova. Operatordyń mindetine qalanyń tynys-tirshiligin qamtamasyz etýdiń barlyq máseleleri boıynsha turǵyndardan kelip túsetin ótinishterdi qabyldaý, keńes berý, aqparattyq júıede tirkeý kiredi.
