Túrkistan oblysynyń ákimi О́mirzaq Shókeevpen kezdesýde О́zbekstan Respýblıkasy Prezıdentiniń keńesshisi, Tótenshe jaǵdaılar mınıstri Týrsınhan Hýdaıbergenov tigin sehyn ashyp, tabysy tómen jáne múmkindigi shekteýli áıelder men qyz-kelinshekterdi jumysqa qabyldaý jónindegi josparyn jetkizdi. Tigin fabrıkasynda kostıým, syrt kıim men sport kıimderi tigiletin bolady. Alǵashqy ınvestısııany О́zbekstan memleketi salyp, mamandary óz tájirıbesimen bólispek.
Issapar barysynda qonaqtar qalaǵa kireberiste salynyp jatqan meshit qurylysynyń basynda boldy. Sáýleti erekshe Islam ortalyǵynyń ishki jáne syrtqy bezendirilýi shyǵystyq naqyshta júrgizilmek. Biregeı jobaǵa О́zbekstan Respýblıkasynyń Prezıdenti Shavkat Mırzııoev qoldaý kórsetip otyr. О́zbekstannyń Túrkistanǵa tartýy retinde salynyp jatqan meshit qurylysyn kúzde aıaqtaý josparlanǵan. Oblys ákimi qurylys qarqyny men sapasyna basa nazar aýdarý qajettigin eskertip, bekitilgen kestege saı aıaqtaýdy júktedi.
