О́ndiris oshaǵy naryqta 2011 jyldan beri tabysty jumys istep keledi. Zaýyt óz jumysyn Qorǵanys mınıstrligi, TJM jáne ishki áskerlerdiń tapsyrysy boıynsha áskerı kıim-keshek shyǵarýdan bastady. Sodan keıin kompanııa ónerkásiptik kásiporyndar úshin arnaıy kıim óndirisin ıgerdi. Keıinirek munda kıimniń azamattyq jelisi — klassıkalyq kostıýmder men aıaq kıim shyǵaryla bastady.
"Qazlegprom-Almaty" tigin óndirisinde kıim jobalaý bólimi, kesip daıyndaý sehy, tigin sehy jáne qosalqy sehtary bar. О́ndiris qýattylyǵy jylyna 1,5 mln tigin ónimin jasap shyǵarady. Fabrıka óndiris barysynda eshqandaı aqaýsyz, synaqtardan ótken sapaly shıkizattardy qoldanady. Kóptegen synaqtardan ótý jolynda fabrıka ónimderi sapa standartyna tolyǵymen saı keledi.
Kıim jobalaý bólimniń jumys barysy kıim úlgileriniń dızaınyn jasap, óndiriske daıyndaýǵa negizdelgen. Dızaıner, modeler-qurastyrýshy, tehnolog, tiginshiler birlese jumys jasaıdy. Tapsyrystardy qabyldap, tutynýshyǵa berý aralyǵyndy óndiris ýaqytyn únemdeý úshin "Gerber Technology", "AccuMark" syndy avtomattanǵan jobalaý baǵdarlamalaryn qoldanady.
О́nimdi álemniń aldyńǵy qataryndaǵy (Germanııa, Japon, AQSh) óndirýshilerdiń zamanaýı, joǵary tehnologııalyq quraldarymen tigin sehynda qurastyryp, shyǵarady. Olardyń ishinen matanyń barlyq túrine kestelep salatyn 16 ıneli, "Tajima" (Japon) avtomatty keste mashınasyn aıtýǵa bolady.
Budan bólek fabrıkada úlgi jasaý, kesý barysynda shyqqan qaldyq mata qıyndylaryn qaıta qoldaný jumysy júrgiziledi. Jasalynyp shyqqan ónimder- jastyqtar, tósenishter, dıvanǵa arnalǵan dekoratıvti jumsaq jastyqtar, estelik buıymdary úlken suranysta.
Aıaq-kıim óndirisi jylyna 500 000 jup aıaq kıim óndirý jobasymen fabrıkanyń básekege qabilettiligin arttyrýda. Bul bólimde aıaq-kıim jobalaý, kesý, daıarlaý, tabandaý, qalypqa keltirý, ókshesin jasaý sehtary jumys isteıdi. О́ndirý kezinde termoturaqty, sý ótkizbeıtin, aýa ótkizetin astarlar qoldanylady.
Kesý sehynda aıaq-kıimniń matasy gıdravlıkalyq prespen kesilý kezeńinen bastalady. Daıarlaý sehynda aıaq-kıim bólshek quramdaryn jip jáne jelimmen biriktirý úrdisi júrgiziledi. Tehnologııalyq úrdisti sapaly jasaý, eńbek ónimin joǵarlatý úshin zamanaýı "Pfaff" (Germanııa) avtomatty mashınasyn qoldanyp, az jumysshy kóp mólsherde aıaq-kıimniń ústińgi bóligin qurastyrýda. Qalypqa keltirý sehynda aıaq-kıimdi qurastyrý úrdisi júrgiziledi. Aıaq-kıimniń tumsyǵyn qalypqa keltirý úshin arnaıy Italııalyq "Cerim" mashınasyn qoldanady. Joǵary óndiristi "Desma" (Germanııa) fırmasynyń mashınasy óte berik, kez kelgen aýa-raıyna qolaıly, mehanıkalyq jáne hımııalyq áserge tózimdi polıýretannan jasalǵan tabandardy jabystyryp, shyǵarady.
Kásiporyn sehtarynda 400-den astam adam jumys isteıdi. Kásiporyn iske qosylǵan kezde maman tapshylyǵy bolǵan edi. Qazir "Qazlegprom-Almaty" óz qyzmetkerleriniń biliktiligin arttyrýǵa jáne qyzmetkerlerdi daıarlaýǵa basa nazar aýdarady. Fabrıka janynda "Sheber" oqý ortalyǵy jumys isteıdi, onyń bazasynda úsh aılyq kýrstar barysynda tigin jáne aıaq kıim óndirisiniń mamandaryn daıyndaıdy. Fabrıkada kásiptik kolledjder men lıseılerdiń stýdentteri, sondaı-aq "Almaty qalasynyń halyqty jumyspen qamtý ortalyǵy"KMM-niń jumyspen qamtý baǵdarlamasy boıynsha qaıta daıarlaýdan ótýge nıet bildirgen basqa da mamandyqtardyń ókilderi tájirıbeden ótedi.
