"11 mamyrda shekteýler alynyp tastalǵannan beri koronavırýstyq ınfeksııa jaǵdaıy 7 esege artty. Bul kóbinese birqatar memlekettik organdardyń jumysyndaǵy kemshilikterge baılanysty. Ortalyq jáne jergilikti deńgeıdegi memlekettik basqarý júıesi tótenshe jaǵdaı rejıminen tys tıimdi jumys isteýge daıyn bolmaǵanyn atap ótý kerek.
Vedomstvoaralyq komıssııa aldyna qoıǵan mindetti oryndaı almady. Muny moıyndaý kerek. Densaýlyq saqtaý mınıstrligi ortalyq jáne jergilikti bılik organdarynyń jumysyn úılestirýdi qamtamasyz ete almady", - dedi Memleket basshysy.
Ol jergilikti jerlerde ýaqtyly jáne tıimdiligi az sharalar vırýstyń eńbek ujymdarynda, júıe quraýshy óndiristerde taralýyna ákelgenin atap ótti.
"Indetpen kúres, teris áleýmettik jáne ekonomıkalyq áserlerdi joıý boıynsha barlyq sheshimderdi Premer-Mınıstrdiń jetekshiligindegi Memlekettik komıssııa aıasynda ázirleýdi tapsyramyn. Memlekettik komıssııa synı resýrstardy bólýge ortalyqtandyrylǵan baqylaýdy qamtamasyz etýi tıis", dedi Prezıdent.
