Mádenı oshaqtaryn qamqorlyqqa alý jumystary "Jumyspen qamtýdyń jol kartasy" jáne "Aýyl – el besigi" baǵdarlamalary aıasynda júzege asyrylýda. Oblys ortalyǵyndaǵy "Kókshetaý" jáne "Dostar" mádenıet saraılary da jańǵyrtylmaq. Bir qýanyshtysy, 30 jyl jóndeý kórmegen Krasnyı Iаr aýylyndaǵy "Kókshe" mádenıet úıi de nazardan tys qalmady.
Bul mádenıet oshaǵy sonaý 1990 jyly paıdalanýǵa berilipti. Sodan beri jóndeý kórmegen. Osy jyly nysandy qalypqa keltirýge "Aýyl – el besigi" jobasy aıasynda 241 mln teńge bólinip otyr. "Dostar" mádenıet saraıynyń tozyǵy jetken shatyry da aýystyrylýda. Oblysta áli de kúrdeli jóndeýdi qajet etetin 20-ǵa jýyq mádenı nysan bar.
"Onyń 35-i mádenıet úıi, 5 kitaphana, memlekettik 2 muraǵat jáne oblystyq fılarmonııa bar. Jóndeý jumystary barysynda 486 adam jumyspen qamtylǵan. Olardyń 249-y jumyspen qamtý ortalyǵynan jiberilip otyr", deıdi oblystyq mádenıet, arhıvter men qujattamalar basqarmasynyń bas mamany Ánýar Áıtimov.
О́ńirde kúrdeli jóndeýden bólek, irgetasy jańadan qalanyp jatqan mádenı nysandar da bar. Sonyń biri Atbasar aýdanynda qurylysy bastalǵan "Bastaý" jastardyń bos ýaqytyn uıymdastyrý ortalyǵy. Joba quny 270 mln teńge. Bul nysan keler jyly aıaqtalady dep kútilýde.
