Uıymdastyrylǵan is-sharaǵa mýzeı qyzmetkerleri belsene atsalysyp, halyq aspabynyń eskızin qabyrǵaǵa ornatyp, qazaq kompozıtorlarynyń kúılerin áýenge qosty. Maıra Shamsýtdınovanyń biregeı týyndysynan tyńdarman qaýym qulaq quryshyn qandyrdy.
Mýzeı qorynda tek 20 túrli dombyra saqtalǵan. Barlyq biregeı eksponattardy Ertistiń belgili aqyndary men kompozıtorlarynyń týystary mýzeı qoryna tapsyrdy. Olardyń arasynda ataqty ánshi Baıǵabyl Jylqybaev pen daryndy qazaq akteri ári rejısser Qaýken Kenjetaevtyń dombyrasy da bar.
Pandemııa jaǵdaıyna baılanysty murajaı birneshe aı boıy onlaın rejimde jumys isteıdi. О́tkizilgen is-sharalardy áleýmettik jelilerde kóre alady.
Buqar jyraý atyndaǵy Ádebıet jáne óner mýzeıiniń qyzmetkeri Amangeldi Eginbaı: "Bizde onlaın is-sharalar jospary ázirlendi. Oǵan Ertis óńiri kompozıtorlarynyń úzdik shyǵarmalarynyń toptamasy engizilgen. Bul − talantty jerlesterimizdiń ánderi men kúılerin tyńdaıtyn onlaın-kórme. Biz indet kezinde turǵyndardy mádenı qundylyqtardan ada tutpaı, kerisinshe adam men kúı janyn jaqyndastyra túsý. Sondyqtan biz úshin bul mańyzdy jumys", deıdi ol.
