21 mamyrǵa qaraǵan túni Astana-Shýchınsk jolynda taǵy da apat boldy. Aldyn ala málimetter boıynsha, Hyundai Tucson júrgizýshisi joldyń 95-shi shaqyrymynda bulanǵa soqtyǵysqan. Janýar kenetten jolǵa júgirip shyqqan. Apat saldarynan eki jolaýshy aýrýhanaǵa jetkizilip, medısınalyq kómek kórsetiledi.
Jyl basynan beri Aqmola oblysynda janýarlardyń qatysýymen segiz apat tirkeldi. Olardyń kópshiligi orman alqaptary men jabaıy ańdardyń kóshi-qon joldary arqyly ótetin qala mańyndaǵy joldarda boldy.
Polıseıler júrgizýshilerden, ásirese qarańǵyda, óte saq bolý kerektigin eskertedi.
«Janýarlardyń maýsymdyq kóshi-qon kezeńinde kólik júrgizýshileri «jabaıy janýarlar» jol belgilerin kórgende jyldamdyqty tómendetýi kerek. Ásirese keshkilik ýaqytta muqııat bolý qajet. Qaýipsiz qashyqtyqty saqtap, qozǵalys kezinde alańdamaýy kerek», - delingen habarlamada.
Jol polııasııasy bulanmen soqtyǵysý júrgizýshige de, kólik ishindegi jolaýshylarǵa da úlken qaýip tóndiretindigin eskertedi.
