HEU málimetteri boıynsha, aǵymdaǵy jyldyń ekinshi toqsanynda ǵana álemde 400 mln adam jumysynan aıyryldy. Eger ekonomıkalyq belsendilik jandansa, jumyssyzdar sany 140 mln-ǵa deıin qysqarady.
Sarapshylar áıelderdiń jumys oryndary kóp zardap shekti dep sanaıdy. Halyqaralyq eńbek uıymynyń derekteri boıynsha áıelder tolyq emes jumys kúni jumys isteıtin jumyskerlerdiń 57% quraıdy. Dál osyndaı qyzmetkerler birinshi kezekte qysqartylatyn bolady.
"Áıelderdiń basym kópshiligi pandemııadan zardap shekken sektorlarda jumys isteıdi. Osylaısha, biz sońǵy jyldary qol jetkizgen genderlik teńdik salasyndaǵy jetistikterimizdi joǵaltamyz", - dedi HEU bas dırektory Gaı Raıder.
HEU sarapshylary, eger álemdik ekonomıka tez qalpyna keltirilse, eń optımıstik ssenarııde de 34 mln adam jumys istemeıdi dep esepteıdi.
