Aımaqtar • 04 Shilde, 2020

Elordalyq polısııa qyzmeti kúsheıtilgen rejımge kóshedi

580 ret

kórsetildi

1 mın

oqý úshin

Elordalyq polısııa qyzmetkerleri 5 shildeden bastap, epıdemıologııalyq jaǵdaıdy turaqtandyrý sharalardyń engizilýine baılanysty kúsheıtilgen rejımde jumys isteıdi. Polıseıler turǵyndarǵa túsindirý jumystaryn júrgizip, karantın rejımin qadaǵalaıdy. Tártip buzýshylarǵa qatysty qoldanyp júrgen zańnamaǵa sáıkes, sharalar qabyldanatyn bolady. Bul týraly qala ákimdiginiń resmı saıty habarlady, - dep jazady Egemen.kz

Aqmaral AǴZAMQYZY

Elordalyq polısııa qyzmeti kúsheıtilgen rejımge kóshedi

Sonymen qatar, polısııa qyzmetkerleri daýys zoraıtqysh arqyly turǵyndar arasynda túsindirý jumystaryn júrgizedi. Nur-Sultanda epıdemıologııalyq jaǵdaıdyń asqynýy men koronavırýs ınfeksııasynyń lezde taralýyna baılanysty, Memlekettik komıssııa 2020 jyldyń 5 shildesinen bastap 14 kúnge shekteý sharalaryn engizý týraly sheshim qabyldady. Epıdemıologııalyq jaǵdaıǵa baılanysty kórsetilgen shekteý sharalary uzarýy nemese kúsheıýi múmkin.

"Daýys zoraıtqysh arqyly baılanys azamattarǵa qoldanylyp jatqan erejeler men shekteýlerdi saqtaý qanshalyqty mańyzdy ekenin túsinýge múmkindik beredi. Qala turǵyndary karantın erejelerin qatań saqtaýy jáne barlyq qaýipsizdik sharalaryn ustanýy tıis. Infeksııanyń taralýyna jol bermeý kerek. О́z densaýlyǵyńyz ben jaqyndaryńyzdyń densaýlyǵy týraly oılanyńyz", dep atap ótti polısııa departamenti ókilderi.

Patrýldeý baǵyttary barlyq ýchaskelerdi qamtı alatyndaı etip qurylǵan. Polısııa qyzmetkerleri barlyq turǵyn úıler aýlasy men adamdar kóp jınalatyn jerlerdi aralaıtyn bolady.