Qazaqstan • 05 Shilde, 2020

Aıda Balaeva: Dıas Omarovtyń ónegeli ómiri jýrnalıster qaýymyna úlgi

62 ret kórsetildi

Aqparat jáne qoǵamdyq damý mınıstri Aıda Balaeva Dıas Omarovtyń otbasy men týǵan-týystaryna kóńil aıtty, - dep habarlaıdy Egemen.kz

"Búgin qazaq jýrnalıstıkasy taǵy bir jaryq juldyzynan aıyryldy. Seksenge qaraǵan shaǵynda elge áıgili sportshy, ataqty fýtbol kommentatory Omarov Dıas Ilııasuly dúnıeden ótti. Búkil sanaly ǵumyryn sportqa arnap, sport jýrnalıstıkasynyń órkendeýine ólsheýsiz úles qosqan Dıas Ilııasulynyń ónegeli ómiri barsha jýrnalıster qaýymyna úlgi bolyp qalady. Bul dúnıede máńgilik eshteńe joq. Alaıda, dana halqymyz "Jaqsynyń aty ólmeıdi, ǵalymnyń haty ólmeıdi", dep jazdy mınıstr.

Mınıstr sport jýrnalıstıkasynyń tasyn órge súırep, óz kásibine adal qyzmet etýi barsha jýrnalıster qaýymyna Dıas Omarov úlgi-ónege edi dep atap ótti.

"Dıas Ilııasulynyń sonaý keńes zamanyndaǵy "Sovetskııı sport", "Trýd" gazetterinde jarııalanǵan dúnıelerinen bastap, "Qazteleradıodaǵy" kommentatorlyq jankeshti eńbegi, elimiz Táýelsizdik alǵannan keıingi "Habar" arnasy sekildi respýblıkalyq telearnalardaǵy sport jýrnalıstıkasynyń tasyn órge súırep, óz kásibine adal qyzmet etýi barsha jýrnalıster qaýymyna úlgi-ónege der edik. Orny tolmas aýyr qazada marqum Dıas Omarov aǵamyzdyń otbasy men týǵan-týystarynyń qaıǵysyna ortaqtasyp kóńil aıtamyz. Marqumnyń ımany joldas bolyp, peıishte nury shalqysyn", dedi Aıda Balaeva. 

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar