"World Dombyra Festival" jobasyna álemniń 25 eli men 36 qalasynan qazaqstandyqtar men etnıkalyq qazaqtar qatysty. Olardyń barlyǵy derlik dombyra sheberleri. QazAlliance jetekshisi Álisher Tursyn: "Festıval – "Ulttyq dombyra kúnine" oraılastyrylǵan. Sol sebepti "World Dombyra Festival" jobasyn jyl saıyn ótkizý josparlanyp otyr. Al uıymdastyrýshylardyń aıtýynsha, jobanyń maqsaty − shet elderde Qazaqstannyń ımıdji men mádenıetin tanytý, óskeleń urpaqty ulttyq qundylyqtar men ulttyq ónerge baýlý jáne olarǵa ulttyq biregeıligimizdi dáripteý.
Jobanyń eń tamasha tosynsyıy elimizdiń jaryq juldyzy Dımash Qudaıbergenge arnalǵan "Dımash Baıjuma" kúıi boldy. "World Dombyra Festival" jobasyna Reseıdiń Altaı Respýblıkasynan Janaıdar Nursalıev qatysyp, osylaısha Dımashtyń qurmetine kúı arnap, barlyq qazaqstandyqtardy jáne Dımashtyń ónerine tánti jankúıerlerdi ("Dears") erekshe qýanysh pen shattyqqa bóledi.
Sondaı-aq Azııa elderi boıynsha World Dombyra Festival jobacynyń koordınatory Tańsholpan Baýyrjanqyzy: "Bul is-sharany uıymdastyrýdaǵy basty maqsat elimizdiń ulttyq mýzykasyn, ulttyq aspap – dombyramyzdy álemge tanytý. Osy is-shara álem boıynsha birinshi ret uıymdastyrylyp jatyr. Men de birinshi ret qatysyp, jobaǵa barynsha kómegimdi kórsetip jatyrmyn", deıdi ol.
Al jobanyń bas rejısseri Tımýr Syrymdatýly: "Bizdiń maqsatymyz – dombyra kúnin tek Qazaqstanda ǵana emes, búkil álem boıynsha dombyra kúnin toılaýdy dástúrge aınaldyrý. Álem jurtshylyǵy bizdiń dombyrany, bizdiń mádenıetimizdi tanyp, búkil álem qazaqtary shilde aıynyń ár birinshi jeksenbisinde fleshmob, ǵalamshardyń basty alańdarynda ashyq konsertter túrinde festıval ótkizý», deıdi Syrym Datulynyń tikeleı urpaǵy.
Esterińizge sala keteıik, "QazAlliance" sheteldegi qazaqstandyqtar alıansy 2015 jyly qurylyp, búgingi kúni álemniń 20-dan astam eldiń ókilderi jumys jasaıdy jáne shet elderdegi qazaqstandyqtardyń uıymdary men birqatar iri Qazaqstan stýdentteriniń qaýymdastyqtaryn biriktiredi. Alıans prezıdentinen bastap múshe bolǵan barlyq patrıottar aqysyz túrde qyzmet jasaıdy. Olar jumystary men sabaqtarynan tys ýaqyttaryn shetelde Qazaqstanǵa paıdaly jobalardy júzege asyrýǵa arnaıtyn eriktiler.
"QazAlliance" sheteldegi qazaqstandyqtar uıymynyń birlesken jobasyn sizderge usynamyz:
