"Ishinara júrgizilgen tekserý qorytyndysy boıynsha 701 nysannan karantın rejıminiń buzylǵany anyqtaldy. Biz tekseris barysynda anyqtalǵan tártipbuzýshylyqtarǵa der kezinde áreket etemiz. Oǵan qosymsha, azamattarǵa tártip buzýshylyq týraly habarlaý úshin bizdiń call-ortalyqtarymyzǵa habarlasýǵa bolady", - dep habarlady Baqytjan Saǵyntaev.
Quramyna Taýarlar men qyzmetterdiń sapasy men qaýipsizdigin baqylaý departamentiniń mamandary engen aýdandyq ákimdikteri bekitken monıtorıngtik toptar karantın kezinde jumystaryn jańǵyrtqan qaladaǵy 5976 nysanǵa tekseris júrgizdi, sonyń ishinde 2512 qoǵamdyq tamaqaný, óndiristik saýda jáne bazarlar, 1903 óndiristik emes saýda nysandaryna, sulýlyq salondaryna, monshalar, Qazposhta bólimderi, bankter, meshitter, keńseler, qurylys alańdary jáne kommýnaldyq maqsattaǵy basqa da nysandarǵa, 1166 óndiris oryndary nysandaryna, avtoservıs jáne 395 balabaqsha (kezekshi toptar) bar.
Tekserý qorytyndysy boıynsha, 642 nysannyń qyzmeti eskertýlerli túzegenge deıin toqtatyldy, ol tekserilgen jalpy nysandardyń 10,7% qurady. Olardyń ishinde 621 nysan eskertý alǵannan keıin ózdiginen toqtatqan. Sýbektiler tarapynan eskertýlerge qatysty túzetýler bolmaǵannan keıin TQSQBD aýdandyq basqarmalarynyń qaýlysymen 21 nysannyń qyzmeti toqtatyldy.
Anyqtalǵan tártipbuzýshylyqtardyń ishinde keń taraǵany: qyzmetkerlerge termometrııa júrgizbeý, kelýshiler arasynda áleýmettik qashyqtyqtyń saqtalmaýy, qyzmetkerlerdiń maskalaryn ýaqtyly aýystyrmaýy, qyzmetkerlerdiń maska rejımin oryndamaýy, qolǵaptardyń joqtyǵy, zaýyt oramasy joq teri antıseptıkterin qoldaný, ústelder arasynda áleýmettik qashyqtyqtyń saqtalmaýy, dezınfeksııalyq kilemshelerdiń joqtyǵy jáne basqa da tártipbuzýshylyqtar ekeni atap ótildi.
