“Almaty-2050” strategııasynda belgilengen mindetterge sáıkes, qala ákimshiliginiń qyzmetinde basymdyq berilgen baǵyttarynyń biri qalada qolaıly orta qalyptastyrý bolyp tabylady. Almaty qalasynyń ákimi Baqytjan Saǵyntaevtyń tapsyrmasymen qalany abattandyrý boıynsha jumystar belsendi túrde júrgizilýde jáne túrli jobalar, atap aıtqanda, "Jumyspen qamtýdyń jol kartasy" jáne "Qatysý bıýdjeti" baǵdarlamalarynyń aıasynda júzege asyrylýda.
"Býdıonnyı" skveriniń jalpy aýmaǵy 1,1 ga quraıdy, kespe (brýschatka)jabynynyń aýmaǵy – 2150 sharshy metrdi, asfalt jabynynyń aýmaǵy – 1 579 sharshy metrdi quraıdy. Turǵyndar úshin skverde qolaılylyq jáne qaýipsizdik jasaý úshin onyń aýmaǵyna zamanaýı 50 LED jaryqshamdary ornatylǵan. Sonymen birge, 16 jattyǵý qurylǵylary bar vorkaýt alańdardyń 4 túri bar.
"Maıak" skverinde fýtbol alańy, strıt-boll alańy, sondaı-aq, jattyǵý quraldary bar 2 vorkaýt alańy bar.
Sonymen birge, mereke qarsańynda Jambyl kóshesi boıy men Qojamqulov kóshesiniń buryshyndaǵy ýchaskeni abattandyrý jumystary aıaqtaldy. Alańda skeıtte, samokatta syrǵanaý, velosıped tebý sııaqty zamanaýı sport túrlerimen aınalysý úshin barlyq jaǵdaılar jasalǵan.
Almaty qalasynyń ákimi Baqytjan Saǵyntaevtyń tapsyrmasy boıynsha qalany abattandyrý boıynsha keshendi jumystar júrgizilip jatqanyn eske salamyz. 2019 jyly 140-tan astam kóshe jóndeldi, 2020 jyly - 200 kósheni jóndep, turǵyndarǵa qolaıly bolý úshin jer ústi jaıaý júrginshiler ótetin jolardy salý jospary bar. 11 jobany júzege asyrý bastaldy, olardyń arasynda saıabaqtardy, skverler men kóshelerdi abattandyrý, ózen arnalarynyń ýchaskelerin rekonstrýksııalaý jáne basqalary bar.
