Shekarada shekteý bar

Otandastarymyzdy oılandyrǵan osy máseleniń mán-jaıyn elimizdegi quzyrly organdardyń qyzmetkerleri túsindirip, BAQ ókilderiniń saýaldaryna jaýap berdi. Osylaısha Prezıdent janyndaǵy Ortalyq kommýnıkasııalar qyzmetiniń alańynda ótken onlaın baspasóz máslıhaty kóptiń kókeıinde júrgen saýaldar men suraqtardyń túıinin tarqatty. Oǵan UQK Shekara qyzmeti Shekaralyq baqylaý departamenti bastyǵynyń orynbasary polkovnık Ǵanı Aǵadilov, UQK Shekara qyzmeti Shekaralyq baqylaý departamenti bastyǵynyń orynbasary polkovnık Oleg Fısenko, IIM kóshi-qon qyzmeti komıtetiniń basqarma bastyǵy polısııa polkovnıgi Asqar Aldońǵarov qatysty.

– Álemde oryn alǵan pandemııa jaǵdaıyna baılanysty elimizdiń, shet el azamattarynyń, sonymen qatar mekemeler men uıymdardyń tarapynan memlekettik shekaradan ótý boıynsha túrli suraqtar kelip túsýde. О́zderińiz biletindeı, bıyl 11 mamyrda Qazaqstandaǵy Tótenshe jaǵdaı rejimi toqtatyldy. Alaıda halyqtyń qaýipsizdigin qamtamasyz etý úshin karantındik is-sharalar jalǵasyp jatyr. Bul is-sharalardyń aıasynda koronavırýstyń taralyp ketpeýi maqsatynda aldyn alý sharalary qarastyrylǵan vedomstovoaralyq komıssııasynyń hattamasymen memlekettik shekarany ótý tártibi bekitildi, – dedi Ǵ.Aǵadilov. Onyń aıtýynsha, tártiptik talaptarǵa sáıkes sanıtarlyq-epıdemıologııalyq jaǵdaı jaqsarǵanǵa deıin shekaradan ótýge ýaqytsha shekteýler engizilipti. Alaıda Qazaqstan azamattarynyń el aýmaǵyna kedergisiz qaıtyp kelýine jáne shetel azamattaryna elden shyǵýyna ruqsat berilgen. Shekteýler dıplomattarǵa, ushaq pen teńiz kemeleriniń ekıpajdaryna, poıyz brıgadalaryna, júk avtokóligi men transshekaralyq qurylystarǵa qyzmet kórsetýshi personaldarǵa qoldanylmaıdy. Shekteýlerge qatysty tolyq tizbemen UQK-niń knb.gov.kz saıtynda shekaraknb.kz ınternet resýrstarynda tanysýǵa bolady.

Naryq jaǵdaıy men halyqtyń áleýmettik jaǵdaıyn eskere otyryp (Tótenshe jaǵdaılar kezinde, ıaǵnı 16 naýryz ben 11 mamyr aralyǵynda, 11 mamyrdan bastap qoıylyp otyrǵan karantındik kezeńde de) memleketaralyq júk tasymaldaýǵa Qazaqstan shekarasyn kesip ótýge eshqandaı shekteýler qoıylǵan joq. Shekara qyzmetiniń bólimsheleri karantın kezeńinde 100-den asa turaqty, charterlik, áskerı-kóliktiń jáne júk-avaısııalyq ushaqtarmen, avtobýspen elge oralǵan Qazaqstannyń 14 000-nan asa azamatyn baqylaýdy qamtamasyz etti.

Elimiz qurlyqta Reseı, Qytaı, О́zbekstan, Qyrǵyzstan jáne Túrikmenstan elderimen shekaralasady. Bul kórshiles eldermen aradaǵy shekarada avtokólik jáne temirjol ótkizý pýnkteri bar. О́tkizý pýnktteriniń jalpy sany 100-ge jetip otyr. Kóliktiń barlyq túrleri boıynsha halyqaralyq jolaýshylar qatynasy toqtatyldy. Qazirgi ýaqytta 51 avtokólik ótkizý beketteriniń 39-y jumys istep tur. Al qalǵan 12-si (10-ny – qazaq-reseı shekarasynda, 2-eýi – qazaq-ózbek shekarasynda) pandemııaǵa baılanysty ýaqytsha jabylǵan.

О́z kezeginde O.Fısenko shet memleketterdiń elshilikterinen kelip túsken resmı ótinishter boıynsha el aýmaǵy arqyly О́zbekstannyń 2500-den astam azamatynyń jáne Qyrǵyzstannyń 1000-nan asa azamatynyń uıymdasqan tranzıti júrgizilgenin alǵa tartty.

Alaıda jolaýshylar leginiń edáýir azaıǵanyna, dúnıejúzindegi pandemııaǵa qaramastan, shekarany jalǵan qujat arqyly kesip ótý, baqylaýdan taýar-materıaldyq qundylyqtardy jasyrý, tyıym salýlar men shekteýler qoıylǵan azyq-túlik taýarlaryn ótkizý, qorǵanysh quraldary jáne medısınalyq buıymdardy zańsyz shyǵarý faktileri anyqtalýda. Máselen, 7 mln betperde, 20340-tan astam respırator, 3 myńǵa jýyq qorǵanys kıimderin, 4 mln qorǵanys qolǵaptaryn el aýmaǵynan zańsyz shyǵarmaq bolǵan azamattardyń jolyn kestik, – deıdi O.Fısenko.

Onyń aıtýynsha shekarany ashý jáne burynǵy ótkizý tártibin qalpyna keltirý máselesi táýekelderdi taldaý negizinde jáne úsh negizgi kórsetkishti eskere otyryp, kezeń-kezeńimen sheshiletin bolady. Eń aldymen eldegi epıdemıologııalyq jaǵdaı jaqsarýy, ekinshiden, halyqaralyq áýe, avtobýs jáne temir jol qatynastaryn jańartý múmkindigi men sharttary qolǵa alynýy, úshinshiden, sapar josparlanǵan elderdegi epıdemıologııalyq jaǵdaıdyń turaqtalýy kerek. Búginde osyndaı sheshimderge Túrkııa men Ońtústik Koreıa elderi júginip otyrǵan kórinedi.

2020 jyldyń 10 shildesine deıin sheteldikter men azamattyǵy joq adamdar qandaı da bir qosymsha qujattardy resimdemeı respýblıkadan tys jerlerge shyǵa alady. Bul týraly A.Aldońǵarov málimdedi. Aıta keteıik, elimizde tótenshe jaǵdaı rejimi aıaqtalǵan kúni el aýmaǵynda mártebesi rettelmegen 145 myńǵa jýyq shetel azamaty bolǵan edi. Búginde olardyń 33 441-i Qazaqstannan ketip, 4 myń sheteldik azamat vıza alyp úlgerdi. 17 205 sheteldikke ýaqytsha turýǵa ruqsat berilse, 78525 eńbek mıgrantynyń áli de óz jumysyn jalǵastyrýyna bolady.

– Kóshi-qon bólimshelerinde túsinbeýshilik týyndamaýy úshin shet el azamattaryn Qazaqstanda bolý mártebesin tezirek zańdastyrýdy, keıinge qaldyrmaýdy suraımyn. Aldaǵy ýaqytta óz mártebesin rettemegen sheteldikter men olardy qabyldaıtyn taraptarǵa quqyqtyq yqpal etý sharalary qoldanylatynyn eskertemin, – dedi A.Aldońǵarov.