Aımaqtar • 07 Shilde, 2020

Gúlshara Ábdiqalyqova epıdemıologııalyq jaǵdaıǵa baılanysty brıfıng ótkizdi

34 ret kórsetildi

Búgin oblys ákimi Gúlshara Ábdiqalyqova aımaqtaǵy epıdemıologııalyq jaǵdaıǵa baılanysty onlaın brıfıng ótkizdi.

- COVID-19 indetimen kúresý jolynda elimizde birqatar sharalar qabyldanýda. Bas sanıtarlyq dárigerdiń qaýlysymen oblysymyzda qatań karantındik rejımi engizildi. Jaǵdaıdy qaıta baǵamdap, halyq suranysyna saı qajetti sharalardy kúsheıtý úshin qaladaǵy birqatar aýrýhanalar men dárihanalardy aralap, týyndaǵan máselelerdi jedel sheshý jolyn qarastyrdyq - dedi oblys ákimi.

Oblys basshysynyń tapsyrmasyna sáıkes  óńirde ınfeksııalyq jáne provızorlyq tósek-oryndaryn kóbeıtilýde. О́ńirimizde ınfeksııalyq stasıonarda 515, provızorlyq stasıonarda 1730 tósek-oryndary bolsa, alda oblystyq ftızıopýlmonologııa ortalyǵy bazasynda qosymsha 120 orynǵa ınfeksııalyq jáne Shalqııa eldi mekeninde 30 oryndyq provızorlyq stasıonar ashý jumystary júzege asyrylady.

Sonymen qatar, ókpeni jasandy jeldetý apparaty men otteginiń jetispeýshiligi máselesi de sheshimin tabýda. Oblystyq kópbeıindi aýrýhana janynan ottegi óndiretin seh salý jumystary qolǵa alynyp, oblystyq bıýdjetten 80 mln. teńge qarjy bólindi. О́ńirdegi ókpeni jasandy jeldetetin 76 apparatqa maýsym aıynda 20 portatıvti qondyrǵy alynyp, qosymsha 63-ne taǵy da ótinim berildi. Odan bólek, osy apparattardy alýǵa jergilikti kásipkerler qoldaý bildirýde.

Búgingi kúni ózekti bolyp turǵan dári-dármektiń tapshylyǵy, baǵasynyń turaqtylyǵy da oblys basshylarynyń basty nazarynda. Aımaqta 3 aıǵa jetkilikti dáriler 1 aptada ótip ketip, jetispeýshilik týyndady.  

Bas sanıtarlyq dárigerdiń qaýlysyna sáıkes barlyq múddeli memlekettik organdarmen jáne úkimettik emes uıymdarmen birlesip monıtorıngtik top quryldy. Sondaı-aq, qala, aýdan ákimdikteri jáne «Nur Otan» partııasynyń oblystyq fılıaly janynan qurylǵan arnaıy monıtorıngtik toptar dári-dármek baǵasy men kólemine qatań baqylaý jumystaryn júrgizetin bolady.  Jalpy dári-dármektiń shekti bólshek baǵalary týraly tolyq aqparatty "DARI.KZ" qosymshasynan kórýge bolady.

Epedımıologııalyq jaǵdaıǵa baılanysty jedel járdem kómegine júginýshiler sany artýda. Osy oraıda, oblys boıynsha 81 jedel járdem qyzmet kórsetý brıgadalarynda 52 dáriger men 351 feldsher jumys jasaıdy. Olar qazir táýligine 2 myńǵa jýyq shaqyrtý oryndaýda. Júkteme 2 esege ósip, dıspetcherler men qyzmetkerlerdiń jetispeýshiligi baıqalady. Osyǵan oraı, medısına mamandyǵy bar jas mamandar men eriktilerdi jumysqa tartý sharalary qabyldanýda.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar