Foto avtory: Maksım Zolotýhın
"Qurmetti qala turǵyndary, eń aldymen, marqumdardyń týystary men jaqyndaryna kóńil aıtamyz!", - deıdi Almaty qalasy Qoǵamdyq densaýlyq basqarmasynyń ShJQ “Qalalyq patologoanatomııalyq bıýro” KMK dırektory Baqytjan Álibekov, - Dúrligý keıde 2-den 10 adamǵa deıin týystardyń erip júrýine baılanysty týyndaıdy. Shynynda da, jaqynyn joǵaltyp, aýyr kúıde júrgendikten, bıýro qaqpasynda dúrbeleń, úreı, abyrjý, ý-shý oryn alýda”.
О́z kezeginde Qalalyq patologoanatomııadyq bıýro halyqty qaýipsizdik sharalary men karantın, sanıtarııalyq-epıdemıologııalyq talaptardy saqtaýǵa shaqyrady.
Qaıtys bolǵandardyń denesi Qalalyq patologoanatomııalyq bıýroǵa túskennen keıin 12 saǵat ishinde qaıtarylady. Medısınalyq mekeme qaıtys bolý sebepterin anyqtaý jáne qaıtys bolǵan adam jaıly senimdi derekter berý úshin máıitti atalmysh uıymǵa tapsyrady. Bul qosymsha ýaqytty qajet etedi.
Barlyq suraqtar boıynsha turǵyndar 246-62-70 baılanys nómiri arqyly aqparat ala alady.
“Qalalyq patologoanatomııalyq bıýro” máıitterdi berý jóninde mobıldi top uıymdastyrdy. Bul top qyzmetkerleri karantın rejımin saqtaý maqsatynda kóshede (qaqpanyń janynda) qaıtys bolǵan adamdardyń málimetterin salystyryp, tirkeýdi júzege asyryp jatyr.
"Qala turǵyndaryn koronavırýs ınfeksııasynyń kezekte turǵan adamdar arasynda juǵý qaýpin boldyrmaý úshin, qashyqtyqty, maska taǵý rejımin saqtaýǵa shaqyramyz. Patologoanatomııalyq bıýro qyzmetkerleri týystaryna shyǵyp, máıitti berý tártibi týraly habardar etip, túsindirý jumystaryn júrgizýde” – dedi Almaty qalasy Qoǵamdyq densaýlyq basqarmasynyń ShJQ “Qalalyq patologoanatomııalyq bıýro” KMK dırektory Baqytjan Álibekov.
