Keńestegi basty másele – dári-dármek naryǵynyń turaqtylyǵyn qamtamasyz etý boldy. О́ndiristik kompanııalardyń, dárihanalar jelisiniń jáne salalyq qaýymdastyqtyń ókilderi dári-dármekterdiń qory jáne olardy ýaqtyly jetkizýdiń josparlary týraly aıtty. Sonymen qatar, olar prosedýralardy rásimdeý jáne júkterdi qabyldaý týraly da sóz etti.
Qala ákimi tıisti qyzmetterge medısınalyq preparattar men zattardyń esh kedergisiz ótýin qamtamasyz etýdi tapsyrdy. Qajet bolsa salyqtyq jáne kedendik ákimgerlik, sonymen qatar sheteldik taýar sertıfıkattaryn alý jedeldetiledi.
Bulardan ózge, keńeste dári-dármektiń turaqty qoryn qurý máselesi de talqylandy. Iаǵnı, óte qajet dári-dármekterdiń jartyjyldyq qory jasalady, eger dári tapshylyǵy oryn alsa, olar birden qalanyń dárihana jelisinen alynatyn bolady.
Baqytjan Saǵyntaev qazirgi kezde qala turǵyndarynyń densaýlyǵyn saqtaý birinshi kezektegi ári basty mindet ekenin atap ótti. Densaýlyq saqtaýdyń qajettiligine tıisti qarjynyń barlyǵy bólinetin bolady.
Qala ákimi dári-dármek naryǵyna qatysýshylardy dári-dármektiń jetkizilýi týraly shuǵyl aqparat berýge jáne der kezinde kómek alýǵa shaqyrdy. Barlyq máseleler shuǵyl sheshiletin bolady
