Jedel izdestirý sharalary barysynda krımınaldyq polısııa qyzmetkerleri zańsyz dárihananyń qyzmetin áshkerelep, Almaty oblysy Kerbulaq aýdanyndaǵy Altynemel aýylyndaǵy jeke úılerdiń birinde dári-dármek satylatynyn anyqtaǵan. Tergeý barysynda aýyl turǵynynyń úıinde zańǵa qaıshy qyzmet kórsetilgen.
Qoldan jasalǵan “dárihana” sóresinde dári-dármektiń kez-kelgen túrin tabýǵa bolatyny belgili boldy. Zańsyz dárihana qyzmetin aýyl turǵyny, áıel uıymdastyrǵan. Bul qyzmetpen aınalysýǵa onyń lısenzııasy men ruqsat qujattary bolmaǵan, ıaǵnı medısınalyq qyzmet kórsetýge esh quqyǵy joq ekeni anyqtaldy.
Alypsatar áıel aýdandaǵy dárihanalardyń birinen dárilerdi satyp alyp, ózi baǵa qoıyp, aýyl turǵyndaryna satyp otyrǵan. Tártip saqshylary tekserý barysynda saýdagerdiń buǵan deıin qoraptarmen satyp alǵan 60 jýyq dári-dármektiń túrin tárkiledi.
Qazirgi ýaqytta tergeý jalǵasýda. Atalǵan derek boıynsha tıisti sharalar qabyldanyp, kináliler qoldanystaǵy zańnama talaptaryna sáıkes jaýapkershilikke tartylady.
