Jobalyq keńse azamattardan kelip túsken temir jol kóligi salasyndaǵy problemalyq máselelerdi zerdeleý kezinde barlyq toptaǵy múgedek jandar úshin onlaın rejımde jeńildetilgen t/j bıletterin satyp alý múmkindigi joq ekenin anyqtady.
Múmkindigi shekteýli azamattarǵa árbir bılet satyp alý kezinde múgedektikti rastaý úshin vokzalǵa barýǵa týra keldi, bul óz kezeginde qala boıynsha qozǵalýǵa baılanysty qosymsha qolaısyzdyqtar men shyǵyndar týdyrady.
«Adal jol» jobalyq keńsesi Eńbek jáne halyqty áleýmettik qorǵaý mınıstrligimen jáne "QTJ" UK" AQ-men birlesip derekter bazasyn biriktirý jolymen joǵaryda atalǵan máseleni sheshýge bastama jasady.
Nátıjesinde, aǵymdaǵy jylǵy 26 maýsymnan bastap "QTJ" UK" AQ-nyń saıtynda múmkindikteri shekteýli jandarǵa bıletterdi onlaın satý boıynsha qyzmet engizildi.
Bıletti onlaın rejımde satyp alý úshin múgedektikti bir ret rastap, "Jolaýshylar tasymaly" AQ-nyń kassalarynan "Meıirim" elektrondy dıskont-kartasyn alý qajet. Ony paıdalaný arqyly jolaýshylarǵa úıden shyqpaı-aq, bilet.railways.kz saıtynda jeńildetilgen bıletterdi onlaın satyp alý múmkindigi qoljetimdi.
О́zimen birge mindetti túrde jeke basty kýálandyratyn jáne múgedektikti rastaıtyn qujattar bolýy tıis.
